Hagstofa Íslands birtir töluleg gögn varðandi losun gróðurhúsalofts og mengandi lofttegunda innan landsvæðis Íslands og frá hagkefi Íslands. Losun frá Íslandi nær yfir allt sem gerist á landsvæðinu og á miðum Íslands á meðan að losun frá hagkerfinu nær yfir losun frá rekstri íslenskra fyrirtækja og einstaklinga, hvar svo sem sá rekstur á sér stað í heiminum. Þessi mismunur gefur innsýn yfir hvað er að gerast í nærumhverfi okkar, og hvaða losun á sér stað vegna eigin rekstrar.