Laun starfsstétta á almennum vinnumarkaði 2012
Árið 2012 voru regluleg laun fullvinnandi launamanna á almennum vinnumarkaði 423 þúsund krónur að meðaltali og 292 þúsund krónur hjá starfsfólki í hlutastarfi. Heildarlaun fullvinnandi launamana árið 2012 voru 510 þúsund krónur. Stjórnendur voru með hæstu launin á almennum vinnumarkaði árið 2012 en regluleg laun fullvinnandi stjórnenda voru 821 þúsund krónur að meðaltali á mánuði og heildarlaun þeirra voru 904 þúsund krónur. Þá voru laun að jafnaði lægst hjá verkafólki, en regluleg laun þeirra voru 296 þúsund krónur að meðaltali hjá fullvinnandi launamönnum.
