Hagstofa Íslands hefur tekið saman tölur um stofnanaþjónustu og dagvistir aldraðra árið 2009. Frá árinu 1993 hefur Hagstofa leitað upplýsinga hjá rekstraraðilum. Í desember árið 2009 voru vistrými alls 3.369, þar af voru hjúkrunarrými á dvalar- og hjúkrunarheimilum alls 2.315 eða 68,7% vistrýma. Á milli áranna 2008 og 2009 fækkar rýmum á dvalar- og/eða hjúkrunarheimilum um 92. Dvalarrýmum fækkar um 46, fjöldi hjúkrunarrýma á hjúkrunar- og dvalarheimilum stendur í stað, en rýmum á heilbrigðisstofnunum fækkar um 45 á sama tíma. Árið 2009 voru rúm 54% vistrýma á höfuðborgarsvæðinu, en tæp 46% annarsstaðar.
| Stofnanir með vistrými fyrir aldraða eftir tegund í desember 2008–2009 | |||||
| 2008 | 2009 | ||||
| fjöldi | % | fjöldi | % | ||
| Alls | 3.461 | 100,0 | 3.369 | 100,0 | |
| Dvalar- og/eða hjúkrunarheimili | 2.974 | 85,9 | 2.927 | 86,9 | |
| þ.a. | Dvalarrými | 658 | 19,0 | 612 | 18,2 |
| þ.a. | Hjúkrunarrými | 2.316 | 66,9 | 2.315 | 68,7 |
| Heilbrigðisstofnanir/sjúkrahús | 487 | 14,1 | 442 | 13,1 | |
| þ.a. | Hjúkrunarrúm | 320 | 9,2 | 278 | 8,3 |
| þ.a. | Öldrunalækningarrúm | 167 | 4,8 | 164 | 4,9 |
Alls bjuggu 3.191 á stofnunum með vistrými fyrir aldraða í desember árið 2009, þar af voru konur tæp 64%. Rúm 9% 67 ára og eldri bjuggu í vistrýmum í desember árið 2009. Þetta hlutfall var rúm 12% á landsbyggðinni en tæp 9% á höfuðborgarsvæðinu. Árið 2009 bjuggu tæp 23% fólks 80 ára og eldra í vistrýmum aldraðra. Það á við um tæp 19% karla á þessum aldri og rúm 25% kvenna.
Talnaefni
Nánari upplýsingar
Nánari upplýsingar eru veittar í síma 528 1100 , netfang upplysingar@hagstofa.isDeila
Öllum eru heimil afnot af fréttatilkynningunni. Vinsamlegast getið heimildar.