Hagstofa Íslands framkvæmdi tímarannsókn í fyrsta sinn í nóvember 2023. Var undirbúningur rannsóknarinnar unninn í samvinnu við félags- og vinnumarkaðsráðuneytið en Hagstofan sá um gagnasöfnun, úrvinnslu, greiningu og miðlun niðurstaðna.
Á meðal niðurstaðna var að fólk á aldrinum 18 ára og eldri notaði um 3,3 klukkustundir að meðaltali í ýmis konar afþreyingu, meðal annars horfa á sjónvarp, hlusta á tónlist, stunda áhugamál eða lesa sér til afþreyingar.