Ritið Social tryghed i de nordiske lande 2008/09, sem gefið er út af Norrænu hagskýrslunefndinni á sviði félags- og tryggingarmála (Nordisk Socialstatistik Komité (NOSOSKO)) er komið út. Eins og síðustu tvö ár kemur ritið eingöngu út í rafrænni útgáfu.
Í ritinu er að finna samanburð á velferðarþjónustu/félagsvernd milli Norðurlandanna. Fjallað er um aðgerðir opinberra aðila og einkaaðila sem miða að lífskjarajöfnun og að því að létta byrðum af heimilum og einstaklingum vegna fjárhagslegrar íþyngingar eða tekjumissis. Samanburður er gerður eftir verkefnasviðum sem skiptast í greiðslur (bætur, lífeyri o.s.frv.) og niðurgreidda þjónustu. Í ritinu eru borin saman útgjöld til þjónustu, fjöldatölur um móttakendur og fyrirkomulag.
Útgjöld til félagsverndar lægst á Íslandi árið 2008
Útgjöld til félagsverndar á Íslandi árið 2008 námu 325,6 milljörðum króna eða 21,8% af landsframleiðslu samanborið við 28,9% í Danmörku, 28,8% í Svíþjóð, 24% í Noregi og 25,6% í Færeyjum og Finnlandi. Um 40% útgjaldanna á Íslandi árið 2008 voru vegna heilbrigðismála, en það samsvarar 8,8% af landsframleiðslu.
Útgjöld til félagsverndar á Norðurlöndum 2008, % af VLF | |||||||
Danmörk | Færeyjar | Finnland | Ísland | Noregur | Svíþjóð | ||
Félagsvernd alls | 28,9 | 25,6 | 25,6 | 21,8 | 24,0 | 28,8 | |
Greiðslur | 16,7 | 10,4 | 15,6 | 10,8 | 12,5 | 15,7 | |
Niðurgreidd þjónusta | 12,2 | 15,2 | 10,1 | 11,0 | 11,6 | 13,1 | |
Fjölskyldur og börn | 3,8 | 5,0 | 2,9 | 2,9 | 2,7 | 3,0 | |
Atvinnuleysi | 1,4 | 0,4 | 1,8 | 0,4 | 0,4 | 0,9 | |
Heilbrigðismál | 6,8 | 7,3 | 6,9 | 8,8 | 9,5 | 7,5 | |
Aldraðir | 11,1 | 8,4 | 8,9 | 4,9 | 6,7 | 11,5 | |
Öryrkjar | 4,4 | 4,1 | 3,3 | 3,1 | 3,8 | 4,3 | |
Eftirlifendur | 0,0 | 0,0 | 0,9 | 0,5 | 0,3 | 0,6 | |
Húsnæðisaðstoð | 0,7 | 0,0 | 0,4 | 0,7 | 0,1 | 0,5 | |
Önnur félagshjálp | 0,7 | 0,4 | 0,6 | 0,6 | 0,6 | 0,6 |
Atvinnuleysi mest á Íslandi og í Svíþjóð árið 2009
Dæmi um fjöldatölur í ritinu eru upplýsingar um atvinnuþátttöku, atvinnuleysi og fjölda starfandi árið 2009 í löndunum öllum. Það ár var atvinnuleysi mest á Íslandi og í Svíþjóð eða 7%, en vinnuaflið (starfandi og atvinnulausir) sem hlutfall af íbúum 16 til 64 ára var hæst á Íslandi eða 85%.
Atvinnuþátttaka, atvinnuleysi og starfandi 16-64 ára á Norðurlöndum 2009 | ||||||
Danmörk | Færeyjar | Finnland | Ísland | Noregur | Svíþjóð | |
Karlar og konur 16-64 ára (1.000) | 3.535 | 35 | 3.547 | 204 | 3.198 | 5.962 |
Þar af í %: | ||||||
Atvinnuþátttaka | 81 | 80 | 74 | 85 | 79 | 80 |
Starfandi | 76 | 76 | 68 | 78 | 76 | 73 |
- í fullu starfi | 58 | 49 | 59 | 60 | 56 | 54 |
- í hluta starfi | 18 | 27 | 9 | 18 | 20 | 19 |
Atvinnuleysi | 5 | 4 | 6 | 7 | 3 | 7 |
Utan vinnumarkaðar | 19 | 20 | 26 | 15 | 21 | 20 |
Alls | 100 | 100 | 100 | 100 | 100 | 100 |