Gistinætur á hótelum í ágúst voru 336.700 sem er 17% aukning miðað við ágúst 2014. Gistinætur erlendra gesta voru 92% af heildarfjölda gistinátta í mánuðinum en þeim fjölgaði um 19% frá sama tíma í fyrra á meðan gistinóttum Íslendinga fjölgaði um 2%.

Flestar gistinætur á hótelum í ágúst voru á höfuðborgarsvæðinu eða 187.600 sem er 19% aukning miðað við ágúst 2014. Næst flestar voru gistinætur á Suðurlandi eða um 56.000. Erlendir gestir með flestar gistinætur í ágúst voru; Bandaríkjamenn með 66.700, Þjóðverjar með 61.450 og Bretar með 31.100 gistinætur.

Á tólf mánaða tímabili september 2014 til ágúst 2015 voru gistinætur á hótelum 2.605.003 sem er fjölgun um 18% miðað við sama tímabil ári fyrr.

85% nýting herbergja á hótelum í ágúst 2015
Nýting herbergja var best á höfuðborgarsvæðinu í ágúst eða um 88%. Nýting hótelherbergja var lægst á Norðurlandi eða um 77%.  Athygli er vakin á því að tölur yfir nýtingu herbergja og rúma hafa verið uppfærðar aftur til 2013.

Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.

Talnaefni