Gistinóttum á hótelum í júní fjölgaði um tæp 8% milli ára
Gistinætur á hótelum í júní árið 2005 voru 121.900 en voru 113.300 árið 2004 (8%). Hlutfallslega varð mesta aukningin á Suðurnesjum, Vesturlandi og Vestfjörðum þar sem gistinætur fóru úr 10.150 í 12.450 (23%). Á höfuðborgarsvæðinu fjölgaði gistinóttum úr 71.100 í 79.480 (12%) milli ára og á Austurlandi úr 4.760 í 4.900 (3%). Gistinóttum á hótelum í júní fækkaði hinsvegar á Norðurlandi (-4%) og á Suðurlandi (-11%).
Í júní árið 2005 voru gistinætur Íslendinga á hótelum 18.740 á móti 14.680 árið á undan, sem er tæplega 28% aukning. Gistinóttum útlendinga á hótelum fjölgar hlutfallslega minna eða um 5% milli ára, úr 98.620 í júní árið 2004 í 103.170 í júní árið 2005.
Gistinóttum á hótelum fjölgaði um rúm 4% fyrstu 6 mánuði ársins
Gistinætur á hótelum fyrstu 6 mánuði ársins 2005 voru 439.960 en voru 421.040 árið 2004 (4%). Á Suðurnesjum, Vesturlandi og Vestfjörðum fjölgaði gistinóttum úr 31.650 í 37.180 (17%) milli ára og á Norðurlandi úr 30.770 í 32.610 (6%). Gistinætur á höfuðborgarsvæðinu fyrstu 6 mánuði ársins voru 312.260 en voru 296.730 fyrir sama tímabil árið 2004 (5%). Á sama tíma fækkaði gistinóttum á Austurlandi um 12%, úr 15.070 í 13.320 og á Suðurlandi um 5%, úr 46.820 í 44.580.
Athygli skal vakin á því að hér er átt við gistinætur á hótelum eingöngu, þ.e. hótelum sem opin eru allt árið (í þessum flokki gististaða teljast hvorki gistiheimili né hótel sem eingöngu eru opin yfir sumartímann).
Tölur fyrir 2005 eru bráðabirgðatölur.
Talnaefni