Tekjur af erlendum ferðamönnum á þriðja ársfjórðungi 2021 námu 107 milljörðum króna samanborið við 32,8 milljarða á sama tímabili árið á undan. Á tólf mánaða tímabili frá október 2020 til september 2021 voru tekjur af erlendum ferðamönnum 153 milljarðar króna samanborið við 193 milljarða á tólf mánaða tímabili árinu áður.

Áætlaðar gistinætur á hótelum í nóvember voru um 251 þúsund sem er næstum því tíföld aukning borið saman við nóvember 2020 þegar gistinætur á hótelum voru 23.656. Gistinætur Íslendinga eru áætlaðar 53.200 í nóvember, eða 226% fleiri en í nóvember 2020, og gistinætur erlendra gesta eru áætlaðar 198.600 samanborið við 7.342 á síðasta ári.

Fjöldi starfandi samkvæmt skrám í einkennandi greinum ferðaþjónustu á Íslandi voru um 21.109 í september 2021 sem er fjölgun um 34% samanborið við september í fyrra. Á tólf mánaða tímabili frá október 2020 til september 2021 störfuðu að jafnaði um 15.425 í einkennandi greinum ferðaþjónustu í samanburði við ríflega 20 þúsund fyrir sama tímabil í fyrra.

Í nóvember voru 109.189 brottfarir farþega frá Keflavíkurflugvelli í samanburði við 5.356 í nóvember 2020. Brottfarir farþega með erlent ríkisfang voru 75.460 samanborið við 3.256 í nóvember í fyrra.

Í þessari útgáfu skammtímahagvísa ferðaþjónustu eru birtar uppfærðar tölur um gistinætur, þjónustuviðskipti við útlönd, fjölda starfandi skv. skrám, skráningar bílaleigubíla frá Samgöngustofu, umferð frá Vegagerðinni og fjölda farþega frá Ferðamálastofu út frá þjóðernum auk talna um farþegaflutninga og flughreyfingar frá ISAVIA.

Taflan á pdf

¹ Gisting greidd í gegnum vefsíður á borð við Airbnb og óskráðar gistinætur ekki meðtaldar í samtölum yfir 12 mánaða tímabil.
² Aðrar tegundir skráðra gististaða eru tjaldsvæði, farfuglaheimili, orlofshús, skálar í óbyggðum, íbúðagisting, svefnpokagististaðir og heimagististaðir.
³ Ferðaskrifstofur og skipuleggjendur (erlendis): Þjónusta sem veitt er í sambandi við ferðalög erlendis, þ.e. er undanþegin virðisaukaskatti skv. 12. grein laga um virðisaukaskatt (nr. 50/1988). Ferðaskrifstofur og skipuleggjendur (á Íslandi): Þjónusta sem veitt er í sambandi við ferðalög á Íslandi, þ.e. er ekki undanþegin virðisaukaskatti skv. 12. grein laga um virðisaukaskatt (nr. 50/1988).
⁴ Skv. gögnum frá Samgöngustofu. Fjöldi er tekin fyrsta virka dag hvers mánaðar.
⁵ Skv. talningu frá Vegagerðinni í gegnum 14 lykilteljara á hringveginum. Mánaðartölur sýna meðalfjölda talninga á dag í hverjum mánuði. Árstímabil sýnir heildartalningar yfir árið.
⁶ Skv. gögnum frá Ferðamálastofu.
⁷ Skv. gögnum frá ISAVIA, farþegahreyfingar telja brottfarir, komur og skiptifarþega sem eru tvítaldir.

Talnaefni

Nánari upplýsingar

Deila