Farþegum sem komu til landsins í gegnum Keflavíkurflugvöll í desember fækkaði um 10% og voru tæplega 169 þúsund samanborið við tæplega 187 þúsund í sama mánuði árið áður. Þar af fækkaði farþegum með erlent ríkisfang um 9% á meðan farþegum með íslenskt ríkisfang fækkaði um 12%.

Heildarfarþegafjöldi til landsins í gegnum Keflavíkurflugvöll árið 2019 dróst saman um 13% samanborið við 2018. Farþegum með erlent ríkisfang fækkaði úr rúmlega 2,3 milljónum í tæplega 2 milljónir, eða um 14%, á sama tíma og farþegum með íslenskt ríkisfang fækkaði um 9%, úr tæplega 670 þúsund í 610 þúsund.

Virðisaukaskattskyld velta í einkennandi greinum ferðaþjónustu í september og október á síðasta ári nam 106 milljörðum króna. Lækkaði hún um 8% frá sama tímabili árið áður þegar hún nam 115 milljörðum. Lækkaði velta í öllum einkennandi greinum ferðaþjónustu á þessu tímabili. Velta bílaleiga lækkaði hlutfallslega mest, eða um 16% á meðan velta í farþegaflutningum á landi lækkaði um 11% og velta tengd farþegaflutningum með flugi lækkaði um 10%.

Sé virðisaukaskattskyld velta á tímabilinu nóvember 2018 til október 2019 borin saman við síðustu 12 mánuði þar áður lækkaði veltan um 9%, eða um 62 milljarða á milli ára. Á sama tímabili lækkaði velta tengd farþegaflutningum með flugi um 22%, eða um 64 milljarða.

Gistinóttum í nóvember fjölgaði um 4% borið saman við sama mánuð í fyrra, eða um rúmar 23 þúsund. Fjölgunina má rekja að mestu leyti til gistinótta á hótelum sem fjölgaði um rúmlega 16 þúsund á sama tímabili. Framboð hótelherbergja jókst einnig á sama tímabili um 7% á meðan nýtingarhlutfall þeirra stóð í stað.

Í þessari útgáfu skammtímahagvísa ferðaþjónustu eru birtar uppfærðar tölur um gistinætur og virðisaukaskattskylda veltu í einkennandi greinum ferðaþjónustu. Auk þess eru uppfærðar tölur um bílaleigubíla frá Samgöngustofu og talningu farþega til landsins samkvæmt talningu Ferðamálastofu.

Tafla á pdf

1 Aðrar tegundir skráðra gististaða eru tjaldsvæði, farfuglaheimili, orlofshús, skálar í óbyggðum, íbúðagisting, svefnpokagististaðir og heimagististaðir
2 Ferðaskrifstofur og skipuleggjendur (erlendis): Þjónusta sem veitt er í sambandi við ferðalög erlendis, þ.e. er undanþegin virðisaukaskatti skv. 12. grein laga um virðisaukaskatt (nr. 50/1988). Ferðaskrifstofur og skipuleggjendur (á Íslandi): Þjónusta sem veitt er í sambandi við ferðalög á Íslandi, þ.e. er ekki undanþegin virðisaukaskatti skv. 12. grein laga um virðisaukaskatt (nr. 50/1988).
3 Tölur námundaðar að næsta hundraði
4 Skv. gögnum frá Samgöngustofu
5 Skv. talningu frá Vegagerðinni í gegnum 14 lykilteljara á hringveginum. Mánaðartölur sýna meðalfjölda talninga á dag í hverjum mánuði. Árstímabil sýnir heildartalningar yfir árið
6 Skv. talningu frá Ferðamálastofu
7Farþegahreyfingar telja brottfarir, komur og skiptifarþega sem eru tvítaldir.

Talnaefni
Hagvísar í ferðaþjónustu
Þjónustujöfnuður
Tekjur af erlendum ferðamönnum

Nánari upplýsingar

Deila