Velta í einkennandi greinum ferðaþjónustu á Íslandi var 32,7 milljarðar í mars til apríl samkvæmt virðisaukaskattskýrslum sem er 6% minni velta en á sama tímabili árið 2020.

Í júní voru 56.164 brottfarir farþega frá Keflavíkurflugvelli í samanburði við 11.253 í júní 2020. Brottfarir farþega með erlent ríkisfang voru 42.589 samanborið við 5.943 í júní í fyrra.

Áætlaðar gistinætur á hótelum í júní voru um 158 þúsund sem er þó nokkur fjölgun frá júní í fyrra þegar gistinætur voru rúmlega 90 þúsund. Gistinætur Íslendinga voru 49.200 eða 35% færri en í fyrra í sama mánuði og gistinætur erlendra gesta 108.700 (+619%).

Í þessari útgáfu skammtímahagvísa ferðaþjónustu eru birtar uppfærðar tölur um gistinætur, veltu skv. virðisaukaskýrslum, skráningar bílaleigubíla frá Samgöngustofu, umferðartölur frá Vegagerðinni og farþegatalningu Ferðamálastofu auk talna um farþega- og flughreyfingar frá ISAVIA.

Taflan á pdf

¹Gisting greidd í gegnum vefsíður á borð við Airbnb og óskráðar gistinætur ekki meðtaldar í samtölum yfir 12 mánaða tímabil.
²Aðrar tegundir skráðra gististaða eru tjaldsvæði, farfuglaheimili, orlofshús, skálar í óbyggðum, íbúðagisting, svefnpokagististaðir og heimagististaðir.
³Ferðaskrifstofur og skipuleggjendur (erlendis): Þjónusta sem veitt er í sambandi við ferðalög erlendis, þ.e. er undanþegin virðisaukaskatti skv. 12. grein laga um virðisaukaskatt (nr. 50/1988). Ferðaskrifstofur og skipuleggjendur (á Íslandi): Þjónusta sem veitt er í sambandi við ferðalög á Íslandi, þ.e. er ekki undanþegin virðisaukaskatti skv. 12. grein laga um virðisaukaskatt (nr. 50/1988).
⁴Skv. gögnum frá Samgöngustofu. Fjöldi er tekin fyrsta virka dag hvers mánaðar.
⁵Skv. talningu frá Vegagerðinni í gegnum 14 lykilteljara á hringveginum. Mánaðartölur sýna meðalfjölda talninga á dag í hverjum mánuði. Árstímabil sýnir heildartalningar yfir árið.
⁶Skv. gögnum frá Ferðamálastofu.
⁷Skv. gögnum frá ISAVIA, farþegahreyfingar telja brottfarir, komur og skiptifarþega sem eru tvítaldir.

Talanefni

Nánari upplýsingar

Deila