Fréttatilkynning um fjölda gistinátta í febrúar sem birtist þann 1. apríl sl. hefur verið leiðrétt vegna villu í áætlun á heildarfjölda gistinátta. Veftöflur hafa verið uppfærðar með tilliti til þessa. Þetta hefur ekki áhrif á fjölda gistinátta á hótelum, en hefur áhrif á fjölda gistinátta á öðrum gististöðum (farfuglaheimilum, tjaldsvæðum o.s.frv.).
Gistinætur ferðamanna á gististöðum sem skráðir eru í gistináttagrunn Hagstofunnar voru um 519.000 í febrúar síðastliðnum, en þær voru um 526.000 í sama mánuði fyrra árs. Gistinætur á hótelum og gistiheimilum voru 418.000 og gistinætur í íbúðagistingu, farfuglaheimilum, tjaldsvæðum o.þ.h. voru um 101.000.
Fjöldi gistinátta á skráðum gististöðum í febrúar dróst því saman um 1,4% milli ára. Þar af var 1,6% samdráttur á hótelum og gistiheimilum meðan fjöldi gistinátta á öðrum tegundum gististaða stóð nánast í stað. Ekki eru birtar tölur um gistinætur í febrúar fyrir gistingu sem boðin er í gegnum vefsíður á borð við Airbnb að þessu sinni.Unnið er að því að birta þær með tölum um fjölda gistinátta í mars, þann 30. apríl nk.
Færri hótelgistinætur á suðvesturhorninu í febrúar en fleiri á landsbyggðinni
Gistinætur á hótelum í febrúar síðastliðnum voru 343.700, sem er 3% fækkun frá sama mánuði árið áður. Samdráttur var í fjölda gistinátta á höfuðborgarsvæðinu og Suðurnesjum, en fjölgun í öðrum landshlutum. Um 64% allra gistinátta voru á höfuðborgarsvæðinu, eða 218.400.
Á tólf mánaða tímabili, frá mars 2018 til febrúar 2019, var heildarfjöldi gistinátta á hótelum um 4.439.300, sem er 3% aukning miðað við sama tímabil árið áður.
| Gistinætur á hótelum | ||||||
| Febrúar | Mars–febrúar | |||||
| 2018 | 2019 | % | 2017-2018 | 2018-2019 | % | |
| Alls | 353.140 | 343.654 | -3 | 4.291.120 | 4.439.291 | 3 |
| Höfuðborgarsvæði | 231.452 | 218.406 | -6 | 2.595.671 | 2.560.622 | -1 |
| Suðurnes | 25.021 | 21.740 | -13 | 300.193 | 303.176 | 1 |
| Vesturland og Vestfirðir | 11.084 | 15.050 | 36 | 193.273 | 251.264 | 30 |
| Norðurland | 15.361 | 16.811 | 9 | 305.502 | 323.247 | 6 |
| Austurland | 2.629 | 3.272 | 24 | 108.431 | 103.273 | -5 |
| Suðurland | 67.593 | 68.375 | 1 | 788.050 | 897.709 | 14 |
| Þjóðerni | ||||||
| Íslendingar | 31.793 | 30.293 | -5 | 405.942 | 453.603 | 12 |
| Erlendir gestir | 321.347 | 313.361 | -2 | 3.885.178 | 3.985.688 | 3 |
Herbergjanýting í febrúar 2019 var 66,1%, sem er lækkun um 7,2 prósentustig frá febrúar 2018 þegar hún var 73,3%. Á sama tíma hefur framboð gistirýmis aukist um 7,0% mælt í fjölda herbergja. Nýtingin í febrúar var best á höfuðborgarsvæðinu, eða 83,6%.
| Framboð og nýting hótelherbergja | ||||||
| Herbergjafjöldi á hótelum í febrúar | Herbergjanýting hótela í febrúar | |||||
| 2018 | 2019 | % | 2018 | 2019 | prst | |
| Alls | 9.516 | 10.185 | 7,0% | 73,3% | 66,1% | -7,2 |
| Höfuðborgarsvæði | 4.984 | 5.085 | 2,0% | 90,3% | 83,6% | -6,7 |
| Suðurnes | 634 | 634 | 0,0% | 79,9% | 65,2% | -14,6 |
| Vesturland og Vestfirðir | 533 | 762 | 43,0% | 41,2% | 39,9% | -1,2 |
| Norðurland | 955 | 1.178 | 23,4% | 34,4% | 30,1% | -4,3 |
| Austurland | 349 | 349 | 0,0% | 16,1% | 19,6% | 3,5 |
| Suðurland | 2.061 | 2.177 | 5,6% | 66,0% | 61,5% | -4,5 |
Um 91% gistinátta á hótelum var skráð á erlenda ferðamenn, eða 313.400 sem er 2% færra en í febrúar 2018. Bretar voru með flestar gistinætur (104.600), þar á eftir koma Bandaríkjamenn (67.500) og Kínverjar (29.600) en gistinætur Íslendinga voru 30.300.
Lýsigögn
Gistináttatölur fyrir hótel koma úr gistináttagrunni Hagstofu Íslands. Áætlun á gistinóttum utan hefðbundinnar gistináttatalningar byggist á niðurstöðum úr Landamærarannsókn Ferðamálastofu og Hagstofu Íslands meðal erlendra ferðamanna sem framkvæmd er í Flugstöð Leifs Eiríkssonar og gögnum úr gistináttagrunni Hagstofunnar, að teknu tilliti til upplýsinga um virðisaukaskattskylda veltu frá Airbnb og bílaleigum sem leggja áherslu á útleigu viðverubúinna húsbíla. Við landsvæðaskiptingu þessara talna er stuðst við vefskröpun og gögn úr gistináttagrunni Hagstofunnar. Frekari lýsigögn um fjölda gististaða, gesta og gistinátta má nálgast á vef Hagstofunnar.
Tölur fyrir 2019 eru bráðabirgðatölur.