Í uppgjöri Hagstofunnar á fjármálum sveitarfélaga sem birtist þann 27. september 2007 voru tekjur sveitarfélaganna af gatna- og lóðaframkvæmdum ofmetnar á árinum 2003-2006. Þær tekjur eru brúttófærðar í uppgjöri Hagstofunnar, en flest sveitarfélög nettófæra slíkar tekjur í bókhaldi sínu, þ.e. draga þær frá framkvæmdum ársins. Tekjurnar eru leiðréttar í samræmi við ítarlegri upplýsingar sem nú eru tiltækar og meginniðurstaðan birt í eftirfarandi töflu. Þar kemur fram að tekjuafkoma sveitarfélaganna á árunum 2005 og 2006 er ekki eins hagstæð og áður var talið. Munar þar 7,2 milljörðum króna árið 2006 og 3,4 milljörðum króna árið 2005. Þá er tekjuafkoma áranna 2003 og 2004 heldur lakari en í fyrra uppgjöri. Talnaefnið á vef Hagstofunnar hefur verið leiðrétt til samræmis við þetta.

Talnaefni