Velta í virðisaukaskattskyldri starfsemi í maí og júní 2014 nam tæpum 583 milljörðum króna sem er 5% aukning miðað við sama tímabili árið 2013. Á síðustu 12 mánuðum hefur veltan aukist mest í námugreftri og vinnslu hráefna úr jörðu, eða sem nemur 15,9% en í þeim flokki er meðal annars vinna við efnistöku og malarvinnsla fyrir steypustöðvar.  Einnig er mikil aukning í rekstri gististaða og veitingastaða og í flokknum byggingastarfsemi og mannvirkjagerð, samanborið við 12 mánuði þar á undan.