Forsetakjör fór fram 1. júní 2024. Við kosningarnar voru alls 266.778 á kjörskrá eða 69,1% landsmanna. Af þeim greiddu 215.635 atkvæði eða 80,8% kjósenda. Kosningaþátttaka karla var 78,3% en þátttaka kvenna var nokkru hærri, eða 83,3% og kynsegins/annars 67,1%. Hlutfall utankjörfundaratkvæða af greiddum atkvæðum var 25,0%.
Tólf frambjóðendur voru í kjöri til embættis forseta Íslands. Úrslit forsetakjörs urðu þau að Halla Tómasdóttir hlaut flest atkvæði, 73.184 eða 34,1% gildra atkvæða, og var hún því kjörin forseti Íslands fyrir tímabilið frá 1. ágúst 2024 til 31. júlí 2028.
Forsetakjör 1. júni 2024 — Hagtíðindi