Heildarframleiðsluvirði landbúnaðarins fyrir árið 2017 var 62,8 milljarður á grunnverði þ.e. að meðtöldum vörustyrkjum en frátöldum vörusköttum1 og lækkaði um 0,5% frá fyrra ári. Virði afurða búfjárræktar var 42,0 milljarðar króna og þar af vörutengdir styrkir og skattar um 11,6 milljarðar króna. Virði afurða nytjaplönturæktar eru rúmir 16,7 milljarðar og þar af vörutengdir styrkir og skattar 604 milljónir króna2. Aðfanganotkun landbúnaðarins í heild er 40,3 milljarðar árið 2017 og lækkaði um 0,8% frá fyrra ári.
Lækkun á framleiðsluvirði árið 2017 má rekja til 5,1% lækkunar á verði, en á móti kemur 4,9% magnaukning. Notkun aðfanga eykst um 1,9% að magni, en verð aðfanga lækkaði um 2,7%.
Afkoma landbúnaðarins 2015-2017 | ||||
Á verðlagi hvers árs, millj.kr. | 2015 | 2016 | 2017 | Breyting milli 2016/2017, % |
Virði afurða nytjaplönturæktar | 17.023 | 16.121 | 16.691 | 3,5 |
Þ.a. vörutengdir styrkir og skattar af nytjaplönturækt | 295 | 118 | 604 | 411,9 |
Virði afurða búfjárræktar | 43.807 | 42.538 | 42.039 | -1,2 |
Þ.a. vörutengdir styrkir og skattar af búfjárrækt | 10.336 | 10.574 | 11.598 | 9,7 |
Tekjur af landbúnaðarþjónustu | 316 | 334 | 293 | -12,3 |
Tekjur af óaðskiljanlegri aukastarfsemi | 3.425 | 4.084 | 3.749 | -8,2 |
Heildarframleiðsluvirði | 64.571 | 63.077 | 62.772 | -0,5 |
Kostnaður við aðfanganotkun | 41.425 | 40.674 | 40.342 | -0,8 |
Vergt vinnsluvirði | 23.146 | 22.403 | 22.430 | 0,1 |
Afskriftir fastafjármuna | 5.468 | 5.554 | 6.275 | 13,0 |
Hreint vinnsluvirði | 17.678 | 16.849 | 16.154 | -4,1 |
Aðrir framleiðslustyrkir | 195 | 186 | 205 | 10,2 |
Aðrir framleiðsluskattar | 0 | 0 | 0 | .. |
Þáttatekjur | 17.873 | 17.035 | 16.359 | -4,0 |
Launakostnaður | 4.855 | 6.186 | 6.511 | 5,3 |
Rekstrarhagnaður/einyrkjatekjur | 13.018 | 10.849 | 9.848 | -9,2 |
Leiga og önnur leigugjöld af fasteignum sem ber að greiða (jarðaleiga) | 154 | 235 | 169 | -28,1 |
Fjármagnsgjöld | 3.652 | 4.469 | 4.303 | -3,7 |
Fjáreignatekjur | 76 | 184 | 198 | 7,6 |
Tekjur af atvinnurekstri | 9.287 | 6.329 | 5.574 | -11,9 |
1Vörutengdir styrkir eru s.s. beingreiðslur.
2Hækkunin í vörutengdum styrkjum og sköttum af nytjaplönturækt og afurðum búfjárræktar skýrist vegna þess að búnaðargjald er ekki lagt á frá og með tekjuári 2017.