Rekstrar- og efnahagsyfirlit landbúnaðarins eru nú gefin út fyrir ræktun nytjajurta og plöntufjölgun. Yfirlitin eru byggð á rekstrarframtölum og sett fram á formi hefðbundinna rekstrar- og efnahagsreikninga. Rekstraraðilum í landbúnaði er hér skipt í atvinnugreinaflokka eftir skiptingu tekna úr landbúnaði samkvæmt framtölum. Hver rekstraraðili er færður í þann flokk sem svarar til þeirrar búgreinar sem skilar honum hæstu hlutfalli tekna.
Birtar eru tölur fyrir eftirtaldar greinar:
• Ræktun á aldingrænmeti og papriku (ISAT 01.13.1)
• Ræktun á kartöflum (ISAT 01.13.2)
• Ræktun á öðru ótöldu grænmeti, rótum og hnýði (ISAT 01.13.9)
• Blómarækt (ISAT 01.19.1)
• Ræktun annarra nytjajurta (aðilar sem tilheyra ISAT flokkum 01.1 og 01.2 en eru annars ekki sundurliðaðir sérstaklega)
• Plöntufjölgun (ISAT 01.30.0)
Rekstraraðilar í ræktun nytjaplantna og plöntufjölgun voru samanlagt 202 talsins árið 2017. Tekjur þeirra námu tæplega 6,1 milljarði króna það ár og 93% tekna má rekja til sölu landbúnaðarvara. Gjöld námu 5,5 milljörðum króna.
Flestir rekstraraðilar og mest umsvif eru í tengslum við ræktun á ótöldu grænmeti, rótum og hnýði, en til þeirrar greinar telst meðal annars ræktun blað- og stilkgrænmetis, gulróta, gulrófa og sveppa. Tekjur í greininni voru 2,3 milljarðar króna árið 2017, lækkuðu um 138 millijónir króna (5,7%) frá árinu áður, en gjöld stóðu í stað og námu tæpum 2,2 milljörðum króna.
Árið 2017 voru tekjur rekstraraðila með kartöflurækt sem aðalstarfssemi rétt ríflega 1 milljarður króna og jukust um 146 milljónir króna (17%) frá fyrra ári, en gjöld hækkuðu um 56 milljónir króna (8%). Þar af leiðandi batnaði afkoma greinarinnar fyrir fjármagnsliði og skatta (EBIT) um 90 milljónir króna (60%) og nam 240 milljónum króna.
Alls voru 19 aðilar sem höfðu aðalstarfssemi af ræktun aldingrænmetis og papriku (þ.m.t. agúrku og tómata) árið 2017. Tekjur í greininni voru 1.238 milljónir króna og höfðu aukist um 15 milljónir króna (1%) frá árinu áður. Gjöld hækkuðu um 87 milljónir króna (8%), en þar munar mest um hækkun launa og launatengdra gjalda.
Útdráttur úr rekstrar- og efnahagsyfirliti nytjaplönturæktar og plöntufjölgunar | ||||
Fjöldi, milljónir króna | 2016 | 2017 | Breyting, % | |
Ræktun á aldingrænmeti og papriku (ISAT 01.13.1) | Fjöldi aðila | 18 | 19 | 6 |
Tekjur | 1.223 | 1.238 | 1 | |
Gjöld | 1.101 | 1.189 | 8 | |
Hagnaður, EBIT | 122 | 50 | -59 | |
Ræktun á kartöflum (ISAT 01.13.2) | Fjöldi aðila | 46 | 44 | -4 |
Tekjur | 879 | 1.025 | 17 | |
Gjöld | 729 | 785 | 8 | |
Hagnaður, EBIT | 150 | 240 | 60 | |
Ræktun á öðru ótöldu grænmeti, rótum og hnýði (ISAT 01.13.9) | Fjöldi aðila | 64 | 59 | -8 |
Tekjur | 2.434 | 2.296 | -6 | |
Gjöld | 2.165 | 2.160 | 0 | |
Hagnaður, EBIT | 268 | 136 | -49 | |
Blómarækt (ISAT 01.19.1) | Fjöldi aðila | 23 | 22 | -4 |
Tekjur | 927 | 932 | 1 | |
Gjöld | 803 | 832 | 4 | |
Hagnaður, EBIT | 125 | 100 | -20 | |
Ræktun annarra nytjajurta1 | Fjöldi aðila | 42 | 43 | 2 |
Tekjur | 317 | 297 | -6 | |
Gjöld | 320 | 286 | -11 | |
Hagnaður, EBIT | -3 | 11 | 535 | |
Plöntufjölgun (ISAT 01.30.0) | Fjöldi aðila | 13 | 15 | 15 |
Tekjur | 252 | 300 | 19 | |
Gjöld | 233 | 282 | 21 | |
Hagnaður, EBIT | 20 | 18 | -6 | |
1Aðilar ræktunar annarra nytjajurta tilheyra ÍSAT númerum úr ÍSAT flokkum 01.1 og 01.2 sem eru ekki sundurliðuð sérstaklega í útgefnu talnaefni. |