Vinsamlega athugið að þessari fréttatilkynningu var breytt 2. september 2013 9:00 frá upprunalegri útgáfu.
Laun hækkuðu um 4,3% frá fyrri ársfjórðungi
Regluleg laun voru að meðaltali 4,3% hærri á þriðja ársfjórðungi 2011 en í ársfjórðungnum á undan. Á sama tímabili hækkuðu laun á almennum vinnumarkaði um 3,9% en laun opinberra starfsmanna hækkuðu um 5,1% að meðaltali. Frá fyrra ári hækkuðu laun um 8,2% að meðaltali, hækkunin var 8,5% á almennum vinnumarkaði og 7,4% hjá opinberum starfsmönnum.
Laun á almennum vinnumarkaði eftir atvinnugrein og starfsstétt
Frá fyrri ársfjórðungi mældist hækkun reglulegra launa í samgöngum og fjármálaþjónustu 4,3% en í verslun og ýmissi viðgerðaþjónustu var hækkunin 3,6%. Frá fyrra ári hækkuðu laun mest í fjármálaþjónustu, lífeyrissjóðum og vátryggingum eða um 10,7% en minnst í byggingarstarfsemi og mannvirkjagerð um 5,7%.
Þá hækkuðu laun verkafólks mest frá fyrri ársfjórðungi eða um 4,5% en laun stjórnenda hækkuðu að meðaltali um 3,0% á sama tímabili. Laun sérfræðinga hækkuðu mest frá fyrra ári eða um 9,6% en laun stjórnenda og iðnaðarmanna hækkuðu minnst, um 7,2%.
Helstu kjarasamningar á tímabilinu
Í vísitölu launa á þriðja ársfjórðungi gætir áhrifa hækkana sem kveðið var á um í kjarasamningum á íslenskum vinnumarkaði síðastliðið sumar.
Breytingar vísitölu launa helstu launaþegahópa 2009-2011 | ||||||
Alls | Starfsmenn á almennum vinnumarkaði | Opinberir starfsmenn | ||||
Breyting | Breyting | Breyting | Breyting | Breyting | Breyting | |
frá fyrri | frá fyrra | frá fyrri | frá fyrra | frá fyrri | frá fyrra | |
ársfj., % | ári, % | ársfj., % | ári, % | ársfj., % | ári, % | |
2009 | ||||||
1. ársfj. | 0,8 | 6,2 | 0,3 | 4,1 | 1,8 | 11,3 |
2. ársfj. | 0,2 | 3,6 | 0,2 | 1,2 | 0,0 | 9,5 |
3. ársfj. | 0,7 | 2,1 | 0,8 | 0,8 | 0,4 | 4,9 |
4. ársfj. | 1,6 | 3,2 | 1,9 | 3,4 | 0,8 | 3,0 |
Meðaltal | . | 3,8 | . | 2,4 | . | 7,1 |
2010 | ||||||
1. ársfj. | 1,0 | 3,5 | 1,3 | 4,4 | 0,3 | 1,4 |
2. ársfj. | 1,2 | 4,6 | 1,5 | 5,7 | 0,4 | 1,9 |
3. ársfj. | 2,0 | 5,9 | 2,6 | 7,6 | 0,7 | 2,2 |
4. ársfj. | 0,7 | 5,0 | 0,8 | 6,3 | 0,5 | 1,9 |
Meðaltal | . | 4,7 | . | 6,0 | . | 1,9 |
2011 | ||||||
1. ársfj. | 0,5 | 4,5 | 0,6 | 5,6 | 0,2 | 1,9 |
2. ársfj. | 2,5 | 5,8 | 2,9 | 7,1 | 1,5 | 3,0 |
3. ársfj. | 4,3 | 8,2 | 3,9 | 8,5 | 5,1 | 7,4 |
Talnaefni