Nú liggja fyrir á vef Hagstofu Íslands tölur um mannfjölda eftir fæðingar- og ríkisfangslandi hinn 31. desember 2004. Þá voru 10.636 erlendir ríkisborgarar með lögheimili hér á landi eða 3,6% landsmanna. Undanfarinn ártug hefur íbúum með erlent ríkisfang fjölgað um helming en þeir voru 1,8% þjóðarinnar árið 1995. Nú er hlutfall íbúa með erlent ríkisfang litlu lægra en í mörgum nágrannalandanna. Í Noregi er hlutfallið 4,5%, 5,0% í Danmörku og 5,3% í Svíþjóð.
Nánari greining á mannfjölda eftir ríkisfangi verður í næsta hefti Hagtíðinda undir efnisflokknum Mannfjöldi sem gefið verður út hinn 9. maí næstkomandi. Þar verður einnig fjallað um veiting íslensks ríkisfangs undanfarin ár.