Rúm 64% 4.411 nýnema á framhaldsskólastigi árið 2019 höfðu útskrifast árið 2023 sem er svipað hlutfall og hjá nýnemum árið 2018. Tæp 15% nýnema voru enn í námi fjórum árum síðar án þess að hafa útskrifast en tæplega 21% höfðu hætt námi.
Tæplega 74% nýnema árið 2019, sem áttu að minnsta kosti annað foreldrið með háskólamenntun, höfðu brautskráðst árið 2023 en rúmlega 41% þar sem hvorugt foreldrið hafði lokið framhaldsskólastigi.