Heildarveiði íslenskra skipa var 13,4% minni í júlí 2014 en í sama mánuði árið 2013. Afli var minni í öllum tegundum nema ýsu og skelfiski. Þegar borin eru saman 12 mánaða tímabil á milli ára kemur í ljós að botnfiskafli stendur nokkurn vegin í stað á meðan 32% minnkun hefur orðið í uppsjáfarafla á milli ára. Magnvísitala á föstu verðlagi er um 17,3% lægri miðað við júlí í fyrra, en á á 12 mánaða tímabilinu ágúst 2013 til júlí 2014 hefur magnvísitalan lækkað um 5,3% miðað við sama tímabil árið áður.

¹Afli á föstu verði er reiknaður út til þess að finna breytingu á verðmæti heildaraflans að gefinni þeirri forsendu að verðhlutföll milli einstakra fisktegunda séu þau sömu og á ákveðnu viðmiðunartímabili sem hér er fiskveiðiárið 2013-2014.
²Upplýsingar um fiskafla sem birtast í þessari fréttatilkynningu eru bráðabirgðatölur. Þær byggjast á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis og er safnað af Fiskistofu.