Vinsamlegast athugið að þessari fréttatilkynningu var breytt 14. maí 2019 kl. 09:00 frá upprunalegri útgáfu. Heildarafli á 12 mánaða tímabili var sagður hafa aukist um 6% frá sama tímabili ári fyrr en hið rétta er að hann dróst saman um 7%.
Landaður afli íslenskra skipa í mars var 118.448 tonn sem er 25% minni afli en í mars 2018. Aflasamdrátturinn skýrist nær eingöngu af minni loðnuafla en engin loðna veiddist í mars samanborið við tæp 82 þúsund tonn í mars 2018. Rúmlega þreföldun í kolmunnaafla nær ekki að vega upp aflabrestinn í loðnu, en kolmunnaafli í mars var rúm 64 þúsund tonn. Botnfiskafli nam 52 þúsund tonnum í febrúar og minnkaði um 2% miðað við sama mánuð 2018.
Heildarafli á 12 mánaða tímabili frá apríl 2018 til mars 2019 var 1.148 þúsund tonn sem er samdráttur um 7% miðað við sama tímabil ári fyrr. Samdrátturinn er vegna aflabrests í loðnu en er minni en vænta má vegna meiri kolmunnaafla og einnig vegna meiri botn- og flatfiskafla.
Afli í mars, metinn á föstu verðlagi, var 15,6% minni en í mars 2018.
| Fiskafli | ||||||
| Mars | Apríl-mars | |||||
| 2018 | 2019 | % | 2017-2018 | 2018-2019 | % | |
| Fiskafli á föstu verði | ||||||
| Vísitala | 121 | 102 | -15,6 | |||
| Fiskafli í tonnum | ||||||
| Heildarafli | 157.279 | 118.448 | -25 | 1.231.927 | 1.148.365 | -7 |
| Botnfiskafli | 53.301 | 52.034 | -2 | 472.647 | 489.925 | 4 |
| Þorskur | 31.565 | 31.309 | -1 | 276.674 | 278.988 | 1 |
| Ýsa | 4.143 | 6.154 | 49 | 40.628 | 55.344 | 36 |
| Ufsi | 6.341 | 5.469 | -14 | 57.009 | 67.004 | 18 |
| Karfi | 6.960 | 5.547 | -20 | 64.471 | 56.577 | -12 |
| Annar botnfiskafli | 4.292 | 3.555 | -17 | 33.866 | 32.012 | -5 |
| Flatfiskafli | 2.420 | 1.592 | -34 | 24.112 | 27.371 | 14 |
| Uppsjávarafli | 100.969 | 64.433 | -36 | 724.926 | 618.336 | -15 |
| Síld | 0 | 0 | - | 125.434 | 124.075 | -1 |
| Loðna | 81.698 | 0 | - | 186.333 | 0 | - |
| Kolmunni | 19.271 | 64.433 | 234 | 247.649 | 358.658 | 45 |
| Makríll | 0 | 0 | - | 165.510 | 135.603 | -18 |
| Annar uppsjávarfiskur | 0 | 0 | - | 0 | 0 | -92 |
| Skel-og krabbadýraafli | 589 | 390 | -34 | 10.207 | 12.734 | 25 |
| Annar afli | 0 | 0 | - | 35 | 0 | - |
Upplýsingar um fiskafla sem birtast í þessari fréttatilkynningu eru bráðabirgðatölur. Þær byggjast á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis og er safnað af Fiskistofu.