Afli íslenskra fiskiskipa í september var 109 þúsund tonn sem er 1% meiri afli en í september 2018. Botnfiskafli var rúm 36 þúsund tonn og jókst um 2%, þar af var þorskaflinn 21,4 þúsund tonn. Uppsjávarafli var rúmlega 69 þúsund tonn sem er á pari við september 2018. Samsetning uppsjávaraflans var þó önnur þar sem mikil aukning var á síldarafla en á móti kemur mikill samdráttur í makrílafla. Af síld veiddust rúmlega 50 þúsund tonn í september og rúmlega 18 þúsund tonn af makríl. Flatfiskafli nam 1.800 tonnum og dróst saman um 4%, samanborið við september 2018. Skel- og krabbadýraafli var tæplega 2 þúsund tonn og jókst um 35%.

Heildarafli á 12 mánaða tímabili frá október 2018 til september 2019 var tæp 1.092 þúsund tonn sem er 13% minni afli en á sama tímabili ári áður.

Afli í september, metinn á föstu verðlagi, var 9,7% minni en í september 2018.

Upplýsingar um fiskafla sem birtast í þessari fréttatilkynningu eru bráðabirgðatölur. Þær byggja á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis.

Talnaefni

• Deildu fréttinni á Facebook
• Deildu fréttinni á Twitter
• Sendu fréttina með póst