Fyrstu þrjá ársfjórðunga ársins 2021 var heildarafli íslenskra skipa 812 þúsund tonn sem er 2% meiri afli en á sama tímabili árið 2020. Nokkur breyting varð á aflamagni á milli uppsjávartegunda sem skilaði sér í auknu aflaverðmæti.

Verðmæti fyrstu sölu afla var 118 milljarðar króna fyrir tímabilið janúar til september árið 2021 sem er aukning um 3% miðað við sama tímabil árið 2020. Þar af var verðmæti botnfisktegunda fyrstu þrjá ársfjórðungana rúmir 85 milljarðar króna sem er 1% minna en var á sama tímabili árið áður. Aflasamdráttur varð í kolmunna og makríl á milli ára en loðnuvertíðin náði að vega upp á móti honum og gott betur þar sem aflaverðmæti uppsjávarafla jókst um 21%.

Á tólf mánaða tímabili frá október 2020 til september 2021 var samanlagt aflaverðmæti tæpir 152 milljarðar króna, 3% meira en á sama tímabili ári fyrr.

Talnaefni

Nánari upplýsingar

Deila