Landaður afli í ágúst 2021 var 108,9 þúsund tonn sem er 17% minni afli en í ágúst 2020. Botnfiskafli var um 39 þúsund tonn sem er svipaður afli og í fyrra. Af botnfisktegundum var þorskur tæp 20 þúsund tonn. Uppsjávarafli var rúmlega 65 þúsund tonn sem er 26% minni afli en í ágúst 2020. Mest var veitt af makríl, eða rúm 63 þúsund tonn.

Á 12 mánaða tímabilinu frá september 2020 til ágúst 2021 var heildaraflinn tæplega 1.052 þúsund tonn sem er 4% meiri afli en á sama tímabili árið áður. Á tímabilinu veiddust 480 þúsund tonn af botnfisktegundum og 540 þúsund tonn af uppsjávartegundum.

Samkvæmt bráðabirgðatölum var afli strandveiðibáta samtals 12.142 tonn á strandveiðitímabilinu 1. maí til 20. ágúst 2021, en var 11.867 tonn árið 2020. Meginuppistaða strandveiðiaflans 2021 var þorskur eða 11.131 tonn og ufsi rúm 906 tonn.

Landaður afli í ágúst 2021, metinn á föstu verðlagi, lækkar um 8,8% samanborið við ágúst í fyrra. Magnvísitala hefur einnig verið uppfærð fyrir fyrri mánuði ársins.

Talnaefni

Nánari upplýsingar

Deila