Afli íslenskra fiskiskipa var 88,8 þúsund tonn í apríl sem er 21% minni afli en í apríl 2019. Þorskafli var álíka og í apríl 2019 á meðan verulegur samdráttur varð í veiðum á ýsu, ufsa og karfa. Samdráttur varð einnig í uppsjávarafla þar sem landað magn kolmunna dróst saman um 31%. 3.601 tonnum var landað af grásleppu og rauðmaga í apríl, þar af var tæplega 60% landað á Norðurlandi sem er nokkur aukning miðað við fyrri ár.

Heildarafli á 12 mánaða tímabili frá maí 2019 til apríl 2020 var 966 þúsund tonn sem er 13% minni afli en á sama tímabili ári fyrr.

Afli í apríl, metinn á föstu verðlagi, var 12,4% minni en í apríl 2019.

Upplýsingar um fiskafla sem birtast í þessari fréttatilkynningu eru bráðabirgðatölur. Þær byggja á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis.

Talnaefni

Nánari upplýsingar

Deila