Afli íslenskra fiskiskipa var tæplega 90 þúsund tonn í júlí 2020 sem er 6% minni afli en í júlí 2019. Botnfiskafli var rúmlega 31 þúsund tonn og dróst saman um 18% miðað við júlí 2019. Af botnfisktegundum var þorskaflinn rúm 20 þúsund tonn og dróst saman um 6%. Mun meiri aflasamdráttur var í öðrum botnfisktegundum.

Uppsjávarafli var tæplega 56 þúsund tonn sem er 4% meiri afli en í júlí 2019. Uppistaða þess afla var makríll, tæp 41 þúsund tonn, og síld, um 15 þúsund tonn. Flatfiskafli var um 2.200 tonn sem er 17% aukning miðað við fyrra ár en mikill samdráttur var í skel- og krabbadýraafla í júlí sem var rétt tæp 400 kíló samanborið við 1.533 kíló í júlí 2019.

Heildarafli á 12 mánaða tímabili, frá ágúst 2019 til júlí 2020, var tæplega 994 þúsund tonn sem er 8% minni afli en á sama tímabili ári fyrr.

Aflaverðmæti í júlí, metið á föstu verðlagi, var 14% minna en í júlí 2019.

Upplýsingar um fiskafla sem birtast í þessari fréttatilkynningu eru bráðabirgðatölur. Þær byggja á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis.

Talnaefni

Nánari upplýsingar

Deila