Í júní lönduðu íslensk skip tæplega 28 þúsund tonnum af afla sem er 21% minna en í júní 2023. Samdráttur var í veiðum á nær öllum botnfisktegundum og uppsjávarafli var enginn.
Heildarafli á tólf mánaða tímabilinu frá júlí 2023 til júní 2024 var tæplega 1,1 milljón tonn sem er 24% minna en aflinn á sama tólf mánaða tímabili ári fyrr. Helsta ástæðan fyrir þessum samdrætti var loðnubrestur..
Upplýsingar um fiskafla sem birtast í þessari fréttatilkynningu eru bráðabirgðatölur. Þær byggjast á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis og er safnað af Fiskistofu.