Hagtölur um hvalveiðar við Ísland eru nú birtar fyrir tímabilið 1863 til 2018 undir sögulegum hagtölum. Í gögnunum má m.a. sjá hvernig hvalveiðar hafa staðið yfir með hléum, allt frá upphafi veiða og fram til dagsins í dag. Tölur um útflutt magn hvalafurða eru einnig birtar fyrir tímabilið.
Gögnin eru einnig hluti af sjávarútvegstölfræði, frá árinu 2000. Þar koma fram tölur um útflutningsverðmæti, til viðbótar við útflutt magn.