Aflaverðmæti 75 milljarðar króna
Aflaverðmæti íslenskra skipa nam rúmum 75 milljörðum króna á fyrstu átta mánuðum ársins 2009, samanborið við rúma 63 milljarða yfir sama tímabil 2008. Aflaverðmæti hefur því aukist um 12 milljarða eða 19% á milli ára. Aflaverðmæti í ágústmánuði nam 10 milljörðum króna miðað við 9 milljarða í ágúst 2008.
Aflaverðmæti botnfisks var í lok ágúst orðið 52 milljarðar króna á árinu sem er aukning um 16,5% frá sama tíma í fyrra þegar aflaverðmætið nam tæpum 45 milljörðum. Verðmæti þorskafla var um 23 milljarðar og jókst um 9,5% frá árinu 2008. Aflaverðmæti ýsu nam um 10 milljörðum og stóð nokkurn veginn í stað milli ára. Verðmæti karfaaflans nam 6 milljörðum, sem er 34,7% aukning frá fyrstu átta mánuðum ársins 2008, og verðmæti ufsaaflans jókst um 5,1% milli ára í 4,2 milljarða króna. Verðmæti annars botnfisksafla jókst í heild um 31,9% miðað við fyrstu átta mánuði ársins 2008.
Verðmæti flatfiskafla nam rúmum 7 milljörðum króna í janúar til ágúst 2009 sem er 74,5% aukning frá fyrra ári. Verðmæti uppsjávarafla jókst um 11% milli ára og nam rúmum 15 milljörðum króna frá janúar til ágúst 2009. Munar þar mestu um verðmæti síldarafla sem nam 7,2 milljörðum samanborið við 4,7 milljarða í fyrra og makríl að verðmæti 4,2 milljarðar samanborið við 3 milljarða 2008.
Verðmæti afla sem seldur er í beinni sölu útgerða til vinnslu innanlands nam um 29 milljörðum króna fyrstu átta mánuði ársins og jókst um 14% frá fyrra ári. Verðmæti afla sem keyptur er á markaði til vinnslu innanlands jókst um 9,9% milli ára og nam 9,5 milljörðum króna. Aflaverðmæti sjófrystingar nam 26 milljörðum, samanborið við tæpa 20 milljarða árið áður. Verðmæti afla sem fluttur er út óunninn nam um 8,8 milljörðum, sem er 17,2% aukning miðað við tímabilið janúar til ágúst 2008.
| Verðmæti afla janúar-ágúst 2009 | ||||||
| Milljónir króna | Ágúst | Janúar–ágúst | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 9.140 | 10.040 | 63.344 | 75.348 | 19,0 | |
| Botnfiskur | 5.286 | 5.909 | 44.616 | 51.983 | 16,5 | |
| Þorskur | 1.931 | 2.479 | 21.343 | 23.371 | 9,5 | |
| Ýsa | 1.424 | 1.238 | 10.347 | 10.298 | -0,5 | |
| Ufsi | 786 | 844 | 4.032 | 4.238 | 5,1 | |
| Karfi | 570 | 524 | 4.454 | 6.000 | 34,7 | |
| Úthafskarfi | 0 | 219 | 921 | 3.434 | - | |
| Annar botnfiskur | 575 | 604 | 3.518 | 4.641 | 31,9 | |
| Flatfisksafli | 435 | 772 | 4.070 | 7.101 | 74,5 | |
| Uppsjávarafli | 3.366 | 3.180 | 13.665 | 15.162 | 11,0 | |
| Síld | 2.011 | 2.400 | 4.734 | 7.208 | 52,2 | |
| Loðna | 0 | 0 | 1.846 | 341 | -81,5 | |
| Kolmunni | 19 | 23 | 2.700 | 2.596 | -3,8 | |
| Annar uppsjávarafli | 1.335 | 757 | 4.384 | 5.017 | 14,4 | |
| Skel- og krabbadýraafli | 46 | 179 | 968 | 1.091 | 12,7 | |
| Rækja | 23 | 84 | 245 | 431 | 75,4 | |
| Annar skel- og krabbad.afli | 22 | 95 | 723 | 661 | -8,6 | |
| Annar afli | 7 | 0 | 25 | 11 | -55,3 | |
| Verðmæti afla eftir tegund löndunar janúar-ágúst 2009 | ||||||
| Milljónir króna | Ágúst | Janúar–ágúst | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 9.140 | 10.040 | 63.344 | 75.348 | 19,0 | |
| Til vinnslu innanlands | 3.345 | 3.234 | 25.330 | 28.885 | 14,0 | |
| Í gáma til útflutnings | 901 | 985 | 7.515 | 8.807 | 17,2 | |
| Landað erlendis í bræðslu | 71 | 129 | 225 | 327 | 45,2 | |
| Sjófryst | 3.940 | 4.565 | 19.905 | 26.008 | 30,7 | |
| Á markað til vinnslu innanlands | 642 | 949 | 8.677 | 9.538 | 9,9 | |
| Á markað, í gáma til útflutnings | 162 | 115 | 895 | 832 | -7,1 | |
| Sjófryst til endurvinnslu innanl. | 9 | 17 | 186 | 36 | -80,7 | |
| Selt úr skipi erlendis | 0 | 0 | 41 | 263 | 538,6 | |
| Fiskeldi | 15 | 0 | 73 | 52 | -28,4 | |
| Aðrar löndunartegundir | 55 | 46 | 497 | 600 | 20,7 | |
Þessar upplýsingar byggja á vigtar- og ráðstöfunarskýrslum sem Fiskistofa safnar frá fiskkaupendum. Fyrir árið 2009 er stuðst við bráðabirgðatölur en endanlegar tölur liggja að baki talna fyrir árið 2008 Athuganir benda til þess að endanlegar tölur séu að hámarki 1-2% hærri en bráðabirgðatölur þegar á heildina er litið en fyrir örfáar fisktegundir getur munurinn þó orðið meiri.
Talnaefni