Aflaverðmæti 34 milljarðar króna
Aflaverðmæti íslenskra skipa nam tæpum 34 milljörðum króna fyrstu fjóra mánuði ársins 2009, samanborið við 32 milljarða á sama tímabili 2008. Aflaverðmæti hefur því aukist um 2 milljarða eða 6,5% á milli ára.
Aflaverðmæti botnfisks var í lok apríl orðið 27 milljarðar á árinu sem er aukning um 8,2% frá sama tíma í fyrra þegar aflaverðmætið nam tæpum 25 milljörðum. Verðmæti þorskafla var um 14 milljarðar og jókst um 4,8% frá fyrra ári. Aflaverðmæti ýsu nam rúmum 5 milljörðum og dróst saman um 8,8% milli ára. Verðmæti karfaaflans nam rúmum 4 milljörðum, sem er 61% aukning frá fyrstu fjórum mánuðum ársins 2008, og verðmæti ufsaaflans dróst saman um 13% milli ára í tæpan 1,5 milljarð króna.
Verðmæti flatfiskafla nam tæpum 2,4 milljörðum króna í janúar til apríl 2009, sem er 65,7% aukning frá fyrra ári. Aflaverðmæti uppsjávarafla dróst hins vegar saman um 16,5% milli ára og nam 4,3 milljörðum.
Verðmæti afla sem seldur er í beinni sölu útgerða til vinnslu innanlands nam 14,2 milljörðum króna fyrstu fjóra mánuði ársins og jókst um 7,2% frá fyrra ári. Verðmæti afla sem keyptur er á markaði til vinnslu innanlands dróst saman um 4,1% milli ára og var um 5 milljarðar króna. Aflaverðmæti sjófrystingar var 9 milljarðar, samanborið við 8,8 milljarða árið áður. Verðmæti afla sem fluttur er út óunninn nam tæpum 4,4 milljörðum, sem er 23,1% aukning miðað við tímabilið janúar til apríl 2008.
Verðmæti afla janúar-apríl 2009 | ||||||
Milljónir króna | Apríl | Janúar–apríl | Breyting frá | |||
2008 | 2009 | 2008 | 2009 | fyrra ári í % | ||
Verðmæti alls | 8.860 | 7.569 | 31.643 | 33.715 | 6,5 | |
Botnfiskur | 6.905 | 5.754 | 24.860 | 26.903 | 8,2 | |
Þorskur | 3.438 | 2.494 | 13.296 | 13.940 | 4,8 | |
Ýsa | 1.612 | 1.279 | 5.797 | 5.285 | -8,8 | |
Ufsi | 443 | 379 | 1.672 | 1.454 | -13,0 | |
Karfi | 929 | 1.100 | 2.569 | 4.135 | 61,0 | |
Úthafskarfi | 0 | 0 | 0 | 0 | - | |
Annar botnfiskur | 482 | 501 | 1.526 | 2.089 | 36,9 | |
Flatfisksafli | 525 | 647 | 1.420 | 2.354 | 65,7 | |
Uppsjávarafli | 1.267 | 1.079 | 5.158 | 4.306 | -16,5 | |
Síld | 0 | 3 | 386 | 893 | 131,4 | |
Loðna | 0 | 0 | 1.846 | 341 | -81,5 | |
Kolmunni | 1.267 | 1.076 | 1.895 | 2.220 | 17,1 | |
Annar uppsjávarafli | 0 | 0 | 1.031 | 852 | -17,3 | |
Skel- og krabbadýraafli | 159 | 88 | 200 | 142 | -28,9 | |
Rækja | 53 | 40 | 74 | 94 | 27,6 | |
Annar skel- og krabbad.afli | 106 | 48 | 126 | 48 | -62,1 | |
Annar afli | 3 | 0 | 5 | 9 | 103,6 |
Verðmæti afla eftir tegund löndunar janúar-apríl 2009 | ||||||
Milljónir króna | Apríl | Janúar–apríl | Breyting frá | |||
2008 | 2009 | 2008 | 2009 | fyrra ári í % | ||
Verðmæti alls | 8.860 | 7.569 | 31.643 | 33.715 | 6,5 | |
Til vinnslu innanlands | 3.690 | 2.608 | 13.253 | 14.205 | 7,2 | |
Í gáma til útflutnings | 947 | 1.176 | 3.561 | 4.384 | 23,1 | |
Landað erlendis í bræðslu | 37 | 47 | 104 | 131 | 25,2 | |
Sjófryst | 2.560 | 2.579 | 8.787 | 9.017 | 2,6 | |
Á markað til vinnslu innanlands | 1.422 | 920 | 5.212 | 4.999 | -4,1 | |
Á markað, í gáma til útflutnings | 95 | 106 | 373 | 419 | 12,3 | |
Sjófryst til endurvinnslu innanl. | 14 | 1 | 80 | 5 | -93,7 | |
Selt úr skipi erlendis | 0 | 63 | 33 | 263 | 687,5 | |
Fiskeldi | 10 | 2 | 18 | 19 | 1,0 | |
Aðrar löndunartegundir | 86 | 66 | 220 | 273 | 23,9 |
Þessar upplýsingar byggja á vigtar- og ráðstöfunarskýrslum sem Fiskistofa safnar frá fiskkaupendum. Fyrir árið 2009 er stuðst við bráðabirgðatölur en endanlegar tölur liggja að baki talna fyrir árið 2008 Athuganir benda til þess að endanlegar tölur séu að hámarki 1-2% hærri en bráðabirgðatölur þegar á heildina er litið en fyrir örfáar fisktegundir getur munurinn þó orðið meiri.
Talnaefni