Aflaverðmæti 85 milljarðar króna
Aflaverðmæti íslenskra skipa nam rúmum 85 milljörðum króna á fyrstu níu mánuðum ársins 2009, samanborið við rúma 70 milljarða yfir sama tímabil 2008. Aflaverðmæti hefur því aukist um 15 milljarða eða 21% á milli ára. Aflaverðmæti í septembermánuði nam 9,5 milljörðum króna miðað við 7 milljarða í september 2008.
Aflaverðmæti botnfisks var í lok september orðið 59 milljarðar króna á árinu sem er aukning um 19,1% frá sama tíma í fyrra þegar aflaverðmætið nam tæpum 50 milljörðum. Verðmæti þorskafla var um 26,5 milljarðar og jókst um 12,5% frá árinu 2008. Aflaverðmæti ýsu nam um 12 milljörðum og stóð nokkurn veginn í stað milli ára. Verðmæti karfaaflans nam 7 milljörðum, sem er 38,7% aukning frá fyrstu níu mánuðum ársins 2008, og verðmæti ufsaaflans jókst um 8,3% milli ára í 4,8 milljarða króna. Verðmæti annars botnfisksafla jókst í heild um 35,8% miðað við fyrstu níu mánuði ársins 2008.
Verðmæti flatfiskafla nam tæpum 8 milljörðum króna í janúar til september 2009 sem er 75,2% aukning frá fyrra ári. Verðmæti uppsjávarafla jókst um 12,4% milli ára og nam rúmum 17 milljörðum króna frá janúar til september 2009. Munar þar mestu um verðmæti síldarafla sem nam 8,8 milljörðum samanborið við 6 milljarða í fyrra og makríl að verðmæti 5,2 milljarðar samanborið við 4,5 milljarða 2008.
Verðmæti afla sem seldur er í beinni sölu útgerða til vinnslu innanlands nam um 32,6 milljörðum króna fyrstu níu mánuði ársins og jókst um 18,2% frá fyrra ári. Verðmæti afla sem keyptur er á markaði til vinnslu innanlands jókst um 13,3% milli ára og nam tæpum 11 milljörðum króna. Aflaverðmæti sjófrystingar nam 29 milljörðum, samanborið við rúma 22 milljarða árið áður. Verðmæti afla sem fluttur er út óunninn nam um 10,5 milljörðum, sem er 23,5% aukning miðað við tímabilið janúar til september 2008.
| Verðmæti afla janúar-september 2009 | ||||||
| Milljónir króna | September | Janúar–september | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 7.119 | 9.464 | 70.463 | 85.421 | 21,2 | |
| Botnfiskur | 5.065 | 6.681 | 49.681 | 59.153 | 19,1 | |
| Þorskur | 2.189 | 3.015 | 23.532 | 26.472 | 12,5 | |
| Ýsa | 1.241 | 1.276 | 11.587 | 11.796 | 1,8 | |
| Ufsi | 401 | 536 | 4.434 | 4.802 | 8,3 | |
| Karfi | 621 | 921 | 5.075 | 7.038 | 38,7 | |
| Úthafskarfi | 0 | 0 | 921 | 3.434 | - | |
| Annar botnfiskur | 614 | 932 | 4.132 | 5.612 | 35,8 | |
| Flatfisksafli | 451 | 716 | 4.521 | 7.922 | 75,2 | |
| Uppsjávarafli | 1.496 | 1.880 | 15.161 | 17.042 | 12,4 | |
| Síld | 1.289 | 1.609 | 6.023 | 8.817 | 46,4 | |
| Loðna | 0 | 0 | 1.846 | 341 | -81,5 | |
| Kolmunni | 8 | 36 | 2.708 | 2.633 | -2,8 | |
| Annar uppsjávarafli | 200 | 234 | 4.584 | 5.251 | 14,5 | |
| Skel- og krabbadýraafli | 99 | 186 | 1.067 | 1.291 | 21,0 | |
| Rækja | 33 | 81 | 279 | 514 | 84,2 | |
| Annar skel- og krabbad.afli | 65 | 105 | 788 | 777 | -1,4 | |
| Annar afli | 8 | 2 | 33 | 13 | -59,9 | |
| Verðmæti afla eftir tegund löndunar janúar-september 2009 | ||||||
| Milljónir króna | September | Janúar–september | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 7.119 | 9.464 | 70.463 | 85.421 | 21,2 | |
| Til vinnslu innanlands | 2.256 | 3.697 | 27.585 | 32.606 | 18,2 | |
| Í gáma til útflutnings | 978 | 1.197 | 8.494 | 10.487 | 23,5 | |
| Landað erlendis í bræðslu | 74 | 0 | 299 | 327 | 9,3 | |
| Sjófryst | 2.536 | 3.006 | 22.441 | 29.085 | 29,6 | |
| Á markað til vinnslu innanlands | 959 | 1.351 | 9.636 | 10.917 | 13,3 | |
| Á markað, í gáma til útflutnings | 256 | 180 | 1.150 | 1.014 | -11,8 | |
| Sjófryst til endurvinnslu innanl. | 27 | 0 | 213 | 36 | -83,1 | |
| Selt úr skipi erlendis | 0 | 0 | 41 | 263 | 538,6 | |
| Fiskeldi | 1 | 0 | 73 | 52 | -29,2 | |
| Aðrar löndunartegundir | 34 | 33 | 531 | 634 | 19,4 | |
Þessar upplýsingar byggja á vigtar- og ráðstöfunarskýrslum sem Fiskistofa safnar frá fiskkaupendum. Fyrir árið 2009 er stuðst við bráðabirgðatölur en endanlegar tölur liggja að baki talna fyrir árið 2008 Athuganir benda til þess að endanlegar tölur séu að hámarki 1-2% hærri en bráðabirgðatölur þegar á heildina er litið en fyrir örfáar fisktegundir getur munurinn þó orðið meiri.