Hagstofan mun, frá og með útgáfu bráðabirgðatalna um vöruskipti við útlönd fyrir októbermánuð 2007, gefa út fréttatilkynningu um bráðabirgðatölur viðkomandi mánaða jafnhliða birtingu þeirra á vef og í Hagvísum Hagstofunnar.
Samkvæmt bráðabirgðatölum fyrir október 2007 nam útflutningur fob 28,4 milljörðum króna og innflutningur fob 34,9 milljörðum. Vöruskiptin í október, reiknuð á fob verðmæti, voru því óhagstæð um 6,5 milljarða króna samkvæmt bráðabirgðatölum.
Hagstofunni hafa borist viðbótarupplýsingar um verslun með flugvélar á árinu 2007 sem breyta áður birtum niðurstöðum um vöruskiptin við útlönd. Bráðabirgðaúrvinnsla á þessum upplýsingum bendir til þess að vöruskiptahalli við útlönd á tímabilinu janúar-september 2007 gæti verið tæplega tveimur milljörðum hagstæðari en áður hefur verið talið. Endanlegar niðurstöður vegna þessa munu koma fram í fréttatilkynningu sem Hagstofan gefur út þann 29. nóvember næstkomandi um vöruskiptin við útlönd í október 2007.
Talnaefni