Vöruútflutningur í greiðslujöfnuði* var áætlaður 44,7 milljarðar króna í ágúst 2020 en vöruinnflutningur 55,5 milljarðar. Vöruviðskiptajöfnuður í greiðslujöfnuði var því áætlaður neikvæður um 10,8 milljarða króna. Í sama mánuði var þjónustujöfnuður áætlaður jákvæður um 7,9 milljarða króna, en útflutt þjónusta var áætluð 31,7 milljarðar á meðan innflutt þjónusta var áætluð 23,7 milljarðar.
Verðmæti útflutnings vöru- og þjónustuviðskipta í ágúst 2020 var því áætlað 76,3 milljarðar króna en áætlað verðmæti innflutnings vöru- og þjónustuviðskipta á sama tíma var 79,2 milljarðar. Vöru- og þjónustujöfnuður var fyrir vikið áætlaður neikvæður um 2,9 milljarða króna í ágúst 2020.
Verðmæti útflutnings vöru- og þjónustuviðskipta var áætlað 638,4 milljarðar króna á fyrstu átta mánuðum ársins samanborið við 895,2 milljarða á fyrstu átta mánuðum ársins 2019. Verðmæti innflutnings var áætlað 640,7 milljarðar borið saman við 802,6 milljarða fyrir sama tímabil 2019. Uppsafnaður vöru- og þjónustujöfnuður fyrstu átta mánuði ársins 2020 var því áætlaður neikvæður um 2,3 milljarða samanborið við 92,6 milljarða jákvæðan jöfnuð fyrir sama tímabil árið á undan.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings í janúar til ágúst 2019 og 2020 | |||||
| Millj. kr. á gengi hvors árs | Breytingar frá fyrra ári á gengi hvors árs, % | ||||
| Ágúst | Janúar-ágúst | ||||
| 2019 | 2020 | 2019 | 2020 | ||
| Vöru- og þjónustuviðskipti, útflutningur alls | 125.113,4 | 76.323,2 | 895.197,3 | 638.445,2 | -28,7 |
| Vöruskipti: = Útflutningur í greiðslujöfnuði | 46.835,3 | 44.672,8 | 438.624,2 | 391.493,3 | -10,7 |
| Þjónustuviðskipti: = Útflutt þjónusta | 78.278,1 | 31.650,5 | 456.573,1 | 246.951,9 | -45,9 |
| Vöru- og þjónustuviðskipti, innflutningur alls | 96.247,6 | 79.238,2 | 802.554,0 | 640.748,5 | -20,2 |
| Vöruskipti: = Innflutningur í greiðslujöfnuði | 57.894,4 | 55.494,4 | 509.771,9 | 441.122,8 | -13,5 |
| Þjónustuviðskipti: = Innflutt þjónusta | 38.353,3 | 23.743,8 | 292.782,1 | 199.625,7 | -31,8 |
| Vöru- og þjónustujöfnuður í greiðslujöfnuði | 28.865,8 | -2.915,0 | 92.643,4 | -2.303,3 | |