Verðmæti þjónustuútflutnings í ágúst var áætlað 57,4 milljarðar króna og jókst um 78% frá því í ágúst 2020 á gengi hvors árs. Útflutningstekjur af ferðalögum voru áætlaðar um 32,1 milljarður í ágúst og jukust hratt, eins og undanfarna mánuði, samanborið við sama tíma 2020. Tekjur af samgöngum og flutningum voru áætlaðar 13,8 milljarðar króna í ágúst og jukust um 129% miðað við ágúst 2020. Verðmæti annara þjónustuliða í útflutningi var áætlað 11,4 milljarðar í ágúst og dróst saman um 17% frá því í ágúst á síðasta ári.
Verðmæti þjónustuinnflutnings í ágúst var áætlað 34,9 milljarðar króna og jókst um 40% frá því í ágúst 2020 á gengi hvors árs. Útgjöld vegna ferðalaga Íslendinga erlendis voru áætluð 10,3 milljarðar í ágúst og jukust um 74% samanborið við ágúst á síðasta ári. Útgjöld vegna samgangna og flutninga voru áætluð 6,7 milljarðar í ágúst og jukust um 38% miðað við ágúst 2020. Verðmæti annara þjónustuliða í innflutningi var áætlað 17,9 milljarðar í ágúst og jókst um 27% frá því í ágúst fyrir ári.
Verðmæti þjónustuútflutnings á tólf mánaða tímabili, frá september 2020 til ágúst 2021, var áætlað 408,3 milljarðar króna og dróst saman um 16% miðað við sama tímabil árið áður á gengi hvors árs. Á sama tímabili var verðmæti þjónustuinnflutnings áætlað 319 milljarðar og dróst saman um 10% miðað við sama tímabil árið áður.
Verðmæti útflutnings og innflutnings á þjónustu (milljarðar króna) | ||||||
Ágúst 2020 | Ágúst 2021 | Breyting, % | September 2019-ágúst 2020 | September 2020-ágúst 2021 | Breyting, % | |
Þjónustuútflutningur | 32,2 | 57,4 | 78 | 485,8 | 408,3 | -16 |
Samgöngur og flutningar | 6,0 | 13,8 | 129 | 126,3 | 96,7 | -23 |
Ferðalög | 12,5 | 32,1 | 158 | 169,2 | 105,0 | -38 |
Aðrir þjónustuliðir | 13,7 | 11,4 | -17 | 190,3 | 206,6 | 9 |
Þjónustuinnflutningur | 24,9 | 34,9 | 40 | 354,6 | 319,0 | -10 |
Samgöngur og flutningar | 4,9 | 6,7 | 38 | 67,5 | 64,4 | -5 |
Ferðalög | 5,9 | 10,3 | 74 | 117,0 | 62,9 | -46 |
Aðrir þjónustuliðir | 14,1 | 17,9 | 27 | 170,2 | 191,7 | 13 |
Þjónustujöfnuður | 7,3 | 22,5 | 131,1 | 89,3 |
Vöruútflutningur í greiðslujöfnuði* var áætlaður 56,3 milljarðar króna í ágúst 2021 en vöruinnflutningur 82,1 milljarður. Vöruskiptajöfnuður í greiðslujöfnuði var því áætlaður neikvæður um 25,8 milljarða króna. Verðmæti útflutnings vöru og þjónustu í ágúst 2021 var því áætlað 113,7 milljarðar króna og jókst um 48% miðað við sama mánuð 2020. Verðmæti innflutnings vöru- og þjónustuviðskipta á sama tíma var 117 milljarðar og jókst um 42% miðað við sama mánuð 2020.
Verðmæti útflutnings vöru- og þjónustuviðskipta var áætlað 1.118,2 milljarðar króna á síðustu tólf mánuðum og jókst um 2% miðað við tólf mánuðina þar á undan. Verðmæti innflutnings vöru- og þjónustuviðskipta fyrir sama tímabil var áætlað 1.161,6 milljarðar og jókst um 9% miðað við tólf mánuði þar á undan. Uppsafnaður vöru- og þjónustujöfnuður fyrir síðustu tólf mánuði er því áætlaður neikvæður um 43,5 milljarða króna samanborið við 26,3 milljarða jákvæðan jöfnuð fyrir tólf mánuðina þar á undan.
Verðmæti útflutnings og innflutnings vöru og þjónustu (milljarðar króna) | ||||||
Ágúst 2020 | Ágúst 2021 | Breyting, % | September 2019-ágúst 2020 | September 2020-ágúst 2021 | Breyting, % | |
Útflutningur á vöru- og þjónustu | 76,9 | 113,7 | 48 | 1.092,4 | 1.118,2 | 2 |
Vöruútflutningur | 44,7 | 56,3 | 26 | 606,7 | 709,9 | 17 |
Þjónustuútflutningur | 32,2 | 57,4 | 78 | 485,8 | 408,3 | -16 |
Innflutningur á vöru- og þjónustu | 82,3 | 117,0 | 42 | 1.066,1 | 1.161,6 | 9 |
Vöruinnflutningur | 57,4 | 82,1 | 43 | 711,5 | 842,7 | 18 |
Þjónustuinnflutningur | 24,9 | 34,9 | 40 | 354,6 | 319,0 | -10 |
Vöru- og þjónustujöfnuður í greiðslujöfnuði | -5,4 | -3,2 | 26,3 | -43,5 |
*Samkvæmt stöðlum greiðslujafnaðar og þjóðhagsreikninga.