Verðmæti þjónustuútflutnings í apríl var áætlað 26,2 milljarðar króna og jókst um 39% frá því í apríl 2020 á gengi hvors árs. Útflutningstekjur af ferðalögum voru áætlaðar um 3,7 milljarðar í apríl og aukast nú verulega og hratt samanborið við sama tíma 2020 þegar áhrifa kórónuveirufaraldurins gætti sem mest. Tekjur af samgöngum og flutningum voru áætlaðar 6,7 milljarðar króna í apríl og jukust um 39% miðað við apríl 2020. Verðmæti annara þjónustuliða í útflutningi var áætlað 15,7 milljarðar í apríl og jókst það um 20% frá því í apríl 2020.
Verðmæti þjónustuinnflutnings í apríl var áætlað 27,0 milljarðar króna og jókst um 44% frá því í apríl 2020 á gengi hvors árs. Útgjöld vegna ferðalaga Íslendinga erlendis voru áætluð 3,8 milljarðar í apríl og jukust um 82% samanborið við apríl á síðasta ári. Útgjöld vegna samgangna og flutninga voru áætluð 5,2 milljarðar í apríl og jukust um 30% miðað við apríl 2020. Verðmæti annara þjónustuliða í innflutningi var áætlað 18,0 milljarðar í apríl og jókst það um 42% frá því í apríl fyrir ári.
Verðmæti þjónustuútflutnings á tólf mánaða tímabili, frá maí 2020 til apríl 2021, var áætlað 327,1 milljarður og dróst saman um 50% miðað við sama tímabil árið áður á gengi hvors árs. Á sama tímabili var verðmæti þjónustuinnflutnings áætlað 288,5 milljarðar og dróst saman um 30% miðað við sama tímabil árið áður.
| Verðmæti útflutnings og innflutnings á þjónustu (milljarðar króna) | ||||||
| Apríl 2020 | Apríl 2021 | Breyting, % | Maí 2019-apríl 2020 | Maí 2020-apríl 2021 | Breyting, % | |
| Þjónustuútflutningur | 18,9 | 26,2 | 39 | 650,5 | 327,1 | -50 |
| Samgöngur og flutningar | 4,8 | 6,7 | 39 | 183,0 | 79,3 | -57 |
| Ferðalög | 0,9 | 3,7 | 307 | 289,0 | 50,5 | -83 |
| Aðrir þjónustuliðir | 13,1 | 15,7 | 20 | 178,4 | 197,3 | 11 |
| Þjónustuinnflutningur | 18,8 | 27,0 | 44 | 413,2 | 288,5 | -30 |
| Samgöngur og flutningar | 4,0 | 5,2 | 30 | 78,8 | 59,4 | -25 |
| Ferðalög | 2,1 | 3,8 | 82 | 165,0 | 47,8 | -71 |
| Aðrir þjónustuliðir | 12,7 | 18,0 | 42 | 169,4 | 181,4 | 7 |
| Þjónustujöfnuður | 0,1 | -0,8 | 237,3 | 38,6 | ||
Vöruútflutningur í greiðslujöfnuði* var áætlaður 62,0 milljarðar króna í apríl 2021 en vöruinnflutningur 67,6 milljarðar. Vöruskiptajöfnuður í greiðslujöfnuði var því áætlaður neikvæður um 5,5 milljarða króna. Verðmæti útflutnings vöru og þjónustu í apríl 2021 var því áætlað 88,2 milljarðar króna og jókst um 32% miðað við sama mánuð 2020. Verðmæti innflutnings vöru- og þjónustuviðskipta á sama tíma var 94,6 milljarðar og jókst um 37% miðað við sama mánuð 2020.
Verðmæti útflutnings vöru- og þjónustuviðskipta var áætlað 983,4 milljarðar króna á síðustu tólf mánuðum og dróst saman um 23% miðað við tólf mánuðina þar á undan. Verðmæti innflutnings vöru- og þjónustuviðskipta fyrir sama tímabil var áætlað 1.036,9 milljarðar og dróst saman um 10% miðað við tólf mánuði þar á undan. Uppsafnaður vöru- og þjónustujöfnuður fyrir síðustu tólf mánuði er því áætlaður neikvæður um 53,6 milljarða króna samanborið við 117,7 milljarða jákvæðan jöfnuð fyrir tólf mánuðina þar á undan.
| Verðmæti útflutnings og innflutnings vöru og þjónustu (milljarðar króna) | ||||||
| Apríl 2020 | Apríl 2021 | Breyting, % | Maí 2019-apríl 2020 | Maí 2020-apríl 2021 | Breyting, % | |
| Útflutningur á vöru- og þjónustu | 67,1 | 88,2 | 32 | 1.274,9 | 983,4 | -23 |
| Vöruútflutningur | 48,2 | 62,0 | 29 | 624,4 | 656,3 | 5 |
| Þjónustuútflutningur | 18,9 | 26,2 | 39 | 650,5 | 327,1 | -50 |
| Innflutningur á vöru- og þjónustu | 69,2 | 94,6 | 37 | 1.157,2 | 1.036,9 | -10 |
| Vöruinnflutningur | 50,5 | 67,6 | 34 | 744,0 | 748,4 | 1 |
| Þjónustuinnflutningur | 18,8 | 27,0 | 44 | 413,2 | 288,5 | -30 |
| Vöru- og þjónustujöfnuður í greiðslujöfnuði | -2,2 | -6,3 | 117,7 | -53,6 | ||
*Samkvæmt stöðlum greiðslujafnaðar og þjóðhagsreikninga.