Vöruútflutningur í greiðslujöfnuði* var áætlaður 49,8 milljarðar króna í janúar 2021 en vöruinnflutningur 50,3 milljarðar. Vöruviðskiptajöfnuður í greiðslujöfnuði var því áætlaður neikvæður um 0,5 milljarða króna. Í sama mánuði var þjónustujöfnuður áætlaður jákvæður um 0,5 milljarða króna en útflutt þjónusta var áætluð 21,9 milljarðar á meðan innflutt þjónusta var áætluð 21,4 milljarðar.
Verðmæti útflutnings vöru og þjónustu í janúar 2021 var því áætlað 71,7 milljarðar króna og dróst saman um 19% miðað við sama mánuð 2020. Verðmæti innflutnings vöru- og þjónustuviðskipta á sama tíma var 71,6 milljarðar og dróst saman um 15% miðað við sama mánuð árið á undan.
Verðmæti útflutnings vöru- og þjónustuviðskipta var áætlað 985,6 milljarðar króna á síðustu tólf mánuðum og dróst saman um 25% miðað við tólf mánuði þar á undan. Verðmæti innflutnings vöru- og þjónustuviðskipta fyrir sama tímabil var áætlað 1.007,3 milljarðar og dróst saman um 16% miðað við tólf mánuði þar á undan. Uppsafnaður vöru- og þjónustujöfnuður fyrir síðustu tólf mánuði er því áætlaður neikvæður um 21,7 milljarða samanborið við 120,9 milljarða jákvæðan jöfnuð fyrir tólf mánuðina þar á undan.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings vöru og þjónustu (milljarðar króna) | ||||||
| Janúar 2020 | Janúar 2021 | Breyting % | Febrúar 2019-Janúar 2020 | Febrúar 2020-Janúar 2021 | Breyting % | |
| Útflutningur á vöru- og þjónustu | 88,8 | 71,7 | -19 | 1.317,5 | 985,6 | -25 |
| Vöruútflutningur | 47,4 | 49,8 | 5 | 623,4 | 630,8 | 1 |
| Þjónustuútflutningur | 41,4 | 21,9 | -47 | 694,1 | 354,8 | -49 |
| Innflutningur á vöru- og þjónustu | 84,6 | 71,6 | -15 | 1.196,6 | 1.007,3 | -16 |
| Vöruinnflutningur | 52,1 | 50,3 | -4 | 759,3 | 716,9 | -6 |
| Þjónustuinnflutningur | 32,5 | 21,4 | -34 | 437,3 | 290,3 | -34 |
| Vöru- og þjónustujöfnuður í greiðslujöfnuði | 4,2 | 0,0 | 120,9 | -21,7 | ||