Verðmæti þjónustuútflutnings í júlí var áætlað 56,4 milljarðar króna og jókst um 58% frá því í júlí 2020 á gengi hvors árs. Útflutningstekjur af ferðalögum voru áætlaðar um 29 milljarðar í júlí og jukust áfram hratt samanborið við sama tíma 2020. Tekjur af samgöngum og flutningum voru áætlaðar 10,6 milljarðar króna í júlí og jukust um 66% miðað við júlí 2020. Verðmæti annarra þjónustuliða í útflutningi var áætlað 16,8 milljarðar í júlí og jókst um 2% frá því í júlí á síðasta ári.
Verðmæti þjónustuinnflutnings í júlí var áætlað 33,6 milljarðar króna og jókst um 41% frá því í júlí 2020 á gengi hvors árs. Útgjöld vegna ferðalaga Íslendinga erlendis voru áætluð 10,4 milljarðar í júlí og jukust um 81% samanborið við júlí á síðasta ári. Útgjöld vegna samgangna og flutninga voru áætluð 6,9 milljarðar í júlí og jukust um 46% miðað við júlí 2020. Verðmæti annarra þjónustuliða í innflutningi var áætlað 16,3 milljarðar í júlí og jókst um 23% frá því í júlí fyrir ári.
Verðmæti þjónustuútflutnings á tólf mánaða tímabili, frá ágúst 2020 til júlí 2021, var áætlað 383,1 milljarður króna og dróst saman um 28% miðað við sama tímabil árið áður á gengi hvors árs. Á sama tímabili var verðmæti þjónustuinnflutnings áætlað 308,6 milljarðar og dróst saman um 16% miðað við sama tímabil árið áður.
| Verðmæti útflutnings og innflutnings á þjónustu (milljarðar króna) | ||||||
| Júlí 2020 | Júlí 2021 | Breyting, % | Ágúst 2019-júlí 2020 | Ágúst 2020-júlí 2021 | Breyting, % | |
| Þjónustuútflutningur | 35,7 | 56,4 | 58 | 532,3 | 383,1 | -28 |
| Samgöngur og flutningar | 6,4 | 10,6 | 66 | 142,9 | 86,2 | -40 |
| Ferðalög | 12,8 | 29,0 | 127 | 201,0 | 83,8 | -58 |
| Aðrir þjónustuliðir | 16,5 | 16,8 | 2 | 188,4 | 213,1 | 13 |
| Þjónustuinnflutningur | 23,7 | 33,6 | 41 | 366,8 | 308,6 | -16 |
| Samgöngur og flutningar | 4,7 | 6,9 | 46 | 70,4 | 63,0 | -11 |
| Ferðalög | 5,8 | 10,4 | 81 | 127,0 | 58,7 | -54 |
| Aðrir þjónustuliðir | 13,3 | 16,3 | 23 | 169,4 | 186,9 | 10 |
| Þjónustujöfnuður | 12,0 | 22,8 | 165,5 | 74,5 | ||
Vöruútflutningur í greiðslujöfnuði* var áætlaður 68,4 milljarðar króna í júlí 2021 en vöruinnflutningur 78,7 milljarðar. Vöruskiptajöfnuður í greiðslujöfnuði var því áætlaður neikvæður um 10,3 milljarða króna. Verðmæti útflutnings vöru og þjónustu í júlí 2021 var því áætlað 124,8 milljarðar króna og jókst um 51% miðað við sama mánuð 2020. Verðmæti innflutnings vöru- og þjónustuviðskipta á sama tíma var 112,3 milljarðar og jókst um 32% miðað við sama mánuð 2020.
Verðmæti útflutnings vöru- og þjónustuviðskipta var áætlað 1.081,4 milljarðar króna á síðustu tólf mánuðum og dróst saman um 5% miðað við tólf mánuðina þar á undan. Verðmæti innflutnings vöru- og þjónustuviðskipta fyrir sama tímabil var áætlað 1.127,7 milljarðar og jókst um 5% miðað við tólf mánuði þar á undan. Uppsafnaður vöru- og þjónustujöfnuður fyrir síðustu tólf mánuði er því áætlaður neikvæður um 46,4 milljarða króna samanborið við 62,4 milljarða jákvæðan jöfnuð fyrir tólf mánuðina þar á undan.
| Verðmæti útflutnings og innflutnings vöru og þjónustu (milljarðar króna) | ||||||
| Júlí 2020 | Júlí 2021 | Breyting, % | Ágúst 2019-júlí 2020 | Ágúst 2020-júlí 2021 | Breyting, % | |
| Útflutningur á vöru- og þjónustu | 82,8 | 124,8 | 51 | 1.141,2 | 1.081,4 | -5 |
| Vöruútflutningur | 47,2 | 68,4 | 45 | 608,9 | 698,3 | 15 |
| Þjónustuútflutningur | 35,7 | 56,4 | 58 | 532,3 | 383,1 | -28 |
| Innflutningur á vöru- og þjónustu | 84,8 | 112,3 | 32 | 1.078,8 | 1.127,7 | 5 |
| Vöruinnflutningur | 61,1 | 78,7 | 29 | 712,0 | 819,2 | 15 |
| Þjónustuinnflutningur | 23,7 | 33,6 | 41 | 366,8 | 308,6 | -16 |
| Vöru- og þjónustujöfnuður í greiðslujöfnuði | -2,0 | 12,5 | 62,4 | -46,4 | ||
*Samkvæmt stöðlum greiðslujafnaðar og þjóðhagsreikninga.