Vöruviðskiptajöfnuður var áætlaður neikvæður um 3,0 milljarða króna í nóvember á síðasta ári en þjónustujöfnuður hins vegar jákvæður um 10,2 milljarða.
Þannig var vöruútflutningur í greiðslujöfnuði* áætlaður 53,3 milljarðar en vöruinnflutningur 56,3 milljarðar. Útflutt þjónusta var á hinn bóginn áætluð 44,8 milljarðar króna á meðan innflutt þjónusta var áætluð 34,6 milljarðar.
Þannig var verðmæti útflutnings vöru- og þjónustuviðskipta í nóvember 2019 áætlað 98,1 milljarður en áætlað verðmæti innflutnings vöru- og þjónustuviðskipta á sama tíma var 90,9 milljarðar. Vöru og þjónustujöfnuður var fyrir vikið áætlaður jákvæður um 7,2 milljarða í nóvember á síðasta ári.
Verðmæti útflutnings vöru- og þjónustuviðskipta var áætlað 1.231,0 milljarður á fyrstu ellefu mánuðum ársins samanborið við 1.220,2 milljarða árið áður. Verðmæti innflutnings var áætlað 1.109,5 milljarðar borið saman við 1.137,0 milljarða fyrir sama tímabili 2018. Uppsafnaður vöru- og þjónustujöfnuður fyrstu ellefu mánuði ársins 2019 var því áætlaður jákvæður um 121,5 milljarða í samanburði við 83,2 milljarða jákvæðan jöfnuð fyrir sama tímabil árið á undan.
*Samkvæmt stöðlum greiðslujafnaðar og þjóðhagsreikninga
| Verðmæti útflutnings og innflutnings í janúar til nóvember 2018 og 2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % | ||||
| Nóvember | Janúar-Nóvember | ||||
| 2018 | 2019 | 2018 | 2019 | ||
| Vöru- og þjónustuviðskipti, útflutningur alls | 104.961,3 | 98.076,4 | 1.220.194,7 | 1.231.027,8 | 0,9 |
| Vöruskipti: = Útflutningur í greiðslujöfnuði | 54.925,8 | 53.267,9 | 559.858,5 | 609.821,6 | 8,9 |
| Þjónustuviðskipti: = Útflutt þjónusta | 50.035,5 | 44.808,5 | 660.336,2 | 621.206,2 | -5,9 |
| Vöru- og þjónustuviðskipti, innflutningur alls | 112.515,8 | 90.903,4 | 1.136.954,7 | 1.109.511,9 | -2,4 |
| Vöruskipti: = Innflutningur í greiðslujöfnuði | 72.621,1 | 56.283,3 | 712.897,9 | 698.039,7 | -2,1 |
| Þjónustuviðskipti: = Innflutt þjónusta | 39.894,7 | 34.620,1 | 424.056,8 | 411.472,3 | -3,0 |
| Vöru- og þjónustujöfnuður í greiðslujöfnuði | -7.554,5 | 7.172,9 | 83.240,0 | 121.515,8 | |