Vöruútflutningur í greiðslujöfnuði* var áætlaður 51,3 milljarðar króna í nóvember 2020 en vöruinnflutningur 61,9 milljarðar. Vöruviðskiptajöfnuður í greiðslujöfnuði var því áætlaður neikvæður um 10,6 milljarða króna. Í sama mánuði var þjónustujöfnuður áætlaður neikvæður um 1,9 milljarða króna en útflutt þjónusta var áætluð 23,2 milljarðar á meðan innflutt þjónusta var áætluð 25,1 milljarður.
Verðmæti útflutnings vöru og þjónustu í nóvember 2020 var því áætlað 74,5 milljarðar króna og dróst saman um 26% miðað við sama mánuð 2019. Verðmæti innflutnings vöru- og þjónustuviðskipta á sama tíma var 87 milljarðar og dróst saman um 7% miðað við sama mánuð árið á undan. Vöru- og þjónustujöfnuður var fyrir vikið áætlaður neikvæður um 12,5 milljarða króna í nóvember 2020 en var jákvæður um 7,2 milljarða í nóvember 2019.
Verðmæti útflutnings vöru- og þjónustuviðskipta var áætlað 999,9 milljarðar króna á síðustu tólf mánuðum og dróst saman um 26% miðað við tólf mánuði þar á undan. Verðmæti innflutnings vöru- og þjónustuviðskipta fyrir sama tímabil var áætlað 1.026,6 milljarðar og dróst saman um 15% miðað við tólf mánuði þar á undan. Uppsafnaður vöru- og þjónustujöfnuður fyrir síðustu tólf mánuði er því áætlaður neikvæður um 26,7 milljarða samanborið við 137,1 milljarða jákvæðan jöfnuð fyrir tólf mánuðina þar á undan.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings vöru og þjónustu (milljarðar króna) | ||||||
| Nóvember 2019 | Nóvember 2020 | Breyting % | Desember 2018-Nóvember 2019 | Desember 2019-Nóvember 2020 | Breyting % | |
| Útflutningur á vöru- og þjónustu | 100,5 | 74,5 | -26 | 1.343,2 | 999,9 | -26 |
| Vöruútflutningur | 53,0 | 51,3 | -3 | 664,3 | 612,0 | -8 |
| Þjónustuútflutningur | 47,5 | 23,2 | -51 | 678,9 | 387,9 | -43 |
| Innflutningur á vöru- og þjónustu | 93,4 | 87,0 | -7 | 1.206,0 | 1.026,6 | -15 |
| Vöruinnflutningur | 59,0 | 61,9 | 5 | 768,5 | 714,5 | -7 |
| Þjónustuinnflutningur | 34,3 | 25,1 | -27 | 437,5 | 312,1 | -29 |
| Vöru- og þjónustujöfnuður í greiðslujöfnuði | 7,2 | -12,5 | 137,1 | -26,7 | ||