Útflutningur á þjónustu á fyrsta ársfjórðungi 2010 var, samkvæmt bráðabirgðatölum, 57,3 milljarðar en innflutningur á þjónustu 60,9 milljarðar króna. Þjónustujöfnuður við útlönd á fyrsta ársfjórðungi var því neikvæður um 3,6 milljarða króna.

Samgöngur er stærsti þjónustuliður í útflutningi á þjónustu og afgangur vegna þeirrar þjónustu var um 6,8 milljarðar. Önnur þjónusta er stærsti liður í innflutningi og nam halli á þeirri þjónustu um 2,3 milljörðum. Halli á ferðaþjónustu var um 8,1 milljarður.

Í næstu fréttatilkynningu um þjónustuviðskipti við útlönd, þann 26. ágúst, verða birtar tölur um árið 2009 með endurskoðuðum niðurstöðum fyrir hvern ársfjórðung auk bráðabirgðatalna um annan ársfjórðung 2010.