Samkvæmt bráðabirgðatölum fyrir júlí 2008 nam útflutningur fob 34,4 milljörðum króna og innflutningur fob 52,6 milljörðum króna. Vöruskiptin í júlí, reiknuð á fob verðmæti, voru því óhagstæð um 18,2 milljarða króna samkvæmt bráðabirgðatölum.

Vísbendingar eru um aukinn innflutning á hrávörum og eldsneyti en minni útflutning flugvéla, sjávarafurða og áls í júlí miðað við júní 2008.