Samkvæmt bráðabirgðatölum fyrir maí 2009 nam útflutningur fob 38,7 milljörðum króna og innflutningur fob 31,4 milljörðum króna. Vöruskiptin í maí, reiknuð á fob verðmæti, voru því hagstæð um 7,3 milljarða króna samkvæmt bráðabirgðatölum.
Vísbendingar eru um meira verðmæti útfluttra sjávarafurða og iðnaðarvara og meira verðmæti innflutts eldsneytis en minna verðmæti innfluttra hrá- og rekstrarvara í maí 2009 miðað við apríl 2009.