Samkvæmt bráðabirgðatölum fyrir september 2009 nam útflutningur fob tæpum 43,8 milljörðum króna og innflutningur fob 40,7 milljörðum króna. Vöruskiptin í september, reiknuð á fob verðmæti, voru því hagstæð um 3 milljarða króna samkvæmt bráðabirgðatölum.
Vísbendingar eru um minna verðmæti útflutts áls og meira verðmæti innflutts eldsneytis, hrá- og rekstrarvara og neysluvara án mat- og drykkjarvara í september 2009 miðað við ágúst 2009.