Vöruviðskiptajöfnuður
Í september 2019 voru fluttar út vörur fyrir 51,6 milljarða króna og inn fyrir 69,2 milljarða króna fob (85,2 milljarða króna cif). Vöruviðskiptin í september, reiknuð á fob verðmæti, voru því óhagstæð um 17,5 milljarða króna. Í september 2018 voru vöruviðskiptin óhagstæð um 14,3 milljarða króna á gengi hvors árs.1 Vöruviðskiptahallinn í september 2019 var því 3,3 milljörðum króna meiri en á sama tíma fyrir ári. Án skipa og flugvéla nam vöruviðskiptahallinn í mánuðinum 16,7 milljörðum króna, samanborið við 14,4 milljarða í september 2018.
Á tímabilinu janúar til september 2019 voru fluttar út vörur fyrir 482 milljarða króna en inn fyrir 577,7 milljarða fob (628,4 milljarða króna cif). Halli á vöruviðskiptum við útlönd nam því 95,7 milljörðum króna reiknað á fob verðmæti. Á sama tíma fyrir ári voru vöruviðskiptin óhagstæð um 135,4 milljarða á gengi hvors árs. Vöruviðskiptajöfnuðurinn frá janúar til september var því 39,8 milljörðum króna hagstæðari en á sama tíma fyrir ári síðan. Án skipa og flugvéla nam vöruviðskiptahallinn 107,5 milljörðum króna á tímabilinu janúar til september 2019, en 120,9 milljörðum króna fyrir sama tímabil 2018.
Útflutningur
Á fyrstu níu mánuðum ársins 2019 var verðmæti vöruútflutnings 47,8 milljörðum króna meira en á sama tímabili árið áður, eða 11 % á gengi hvors árs1. Iðnaðarvörur voru 47,7% alls útflutnings og var verðmæti þeirra 1,5% minna en á sama tíma árið áður. Sjávarafurðir voru 39,8% alls vöruútflutnings og var verðmæti þeirra 11,9% meira en á sama tíma árið áður. Mest var aukning vegna útflutnings skipa og flugvéla og sjávarafurða, aðallega á ferskum fiski og frystum flökum.
Innflutningur
Á fyrstu níu mánuðum ársins 2019 var verðmæti vöruinnflutnings 8 milljörðum króna meira en á sama tímabili árið áður, eða 1,4% á gengi hvors árs1. Innflutningur jókst mest á unnum hrá- og rekstrarvörum og fjárfestingavörum. Á móti kom minni innflutningur á flutningatækjum og eldsneyti og smurolíum.
| Verðmæti útflutnings og innflutnings janúar - september 2018-2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % janúar - september | ||||
| September | Janúar - september | ||||
| 2018 | 2019 | 2018 | 2019 | ||
| Útflutningur alls fob | 48.786,8 | 51.610,0 | 434.264,4 | 482.035,5 | 11,0 |
| Sjávarafurðir | 18.969,0 | 23.436,5 | 171.632,5 | 192.023,1 | 11,9 |
| Landbúnaðarvörur | 1.561,3 | 1.905,3 | 13.799,5 | 20.178,0 | 46,2 |
| Iðnaðarvörur | 26.805,1 | 23.163,1 | 233.754,6 | 230.138,2 | -1,5 |
| Aðrar vörur | 1.451,4 | 3.105,0 | 15.077,8 | 39.696,2 | 163,3 |
| Innflutningur alls fob | 63.039,9 | 69.158,3 | 569.702,6 | 577.689,9 | 1,4 |
| Matvörur og drykkjarvörur | 4.855,8 | 6.397,7 | 45.148,1 | 54.015,2 | 19,6 |
| Hrávörur og rekstrarvörur, ót.a. | 17.621,1 | 21.984,8 | 156.181,9 | 169.784,7 | 8,7 |
| Eldsneyti og smurolíur | 11.352,3 | 10.256,9 | 85.080,8 | 73.367,3 | -13,8 |
| Fjárfest.vörur (þó ekki flutn.tæki) | 11.950,7 | 12.801,7 | 117.872,4 | 128.845,1 | 9,3 |
| Flutningatæki | 9.022,8 | 8.249,8 | 91.947,4 | 76.800,1 | -16,5 |
| Neysluvörur ót.a. | 8.219,6 | 9.432,3 | 70.531,0 | 74.572,1 | 5,7 |
| Vörur ót.a (t.d. endursendar vörur) | 17,6 | 35,3 | 2.940,9 | 305,3 | -89,6 |
| Vöruviðskiptajöfnuður | -14.253,1 | -17.548,4 | -135.438,2 | -95.654,4 | |
1Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.
Nánari upplýsingar
Nánari upplýsingar eru veittar í síma 528 1100 , netfang upplysingar@hagstofa.isDeila
Öllum eru heimil afnot af fréttatilkynningunni. Vinsamlegast getið heimildar.