Vinsamlegast athugið að þessi fréttatilkynning var leiðrétt 11. janúar 2023. Fluttar voru inn vörur fyrir 107 milljarða króna fob en ekki 111,7 milljarða eins og kom fram í upprunalegri útgáfu.
Fluttar voru út vörur fyrir 101,2 milljarða króna fob í desember 2022 og inn fyrir 114 milljarða króna cif (107 milljarða króna fob) samkvæmt bráðabirgðatölum. Vöruviðskiptin í desember, reiknuð á fob/cif-verðmæti, voru því óhagstæð um 12,8 milljarða króna. Til samanburðar voru vöruviðskiptin óhagstæð um 18 milljarða króna í desember 2021 á gengi hvors árs fyrir sig.
Vöruskiptajöfnuðurinn í desember 2022 var því 5,3 milljörðum hagstæðari en á sama tíma fyrir rúmu ári. Vöruskiptajöfnuður árið 2022 var því óhagstæður um 323 milljarða króna sem er 91,1 milljarði króna óhagstæðari jöfnuður en á árinu 2021.
Verðmæti útflutnings jókst um 31,5% á seinasta ári
Verðmæti vöruútflutnings í desember 2022 jókst um 25,1 milljarð króna, eða um 32,9%, frá desember 2021, úr 76,2 milljörðum króna í 101,2 milljarða. Mesta aukingin á milli ára var verðmæti útfluttra iðnaðarvara sem hækkaði um 13 milljarða króna, eða um 28,2% samanborið við desember 2021, en þær voru 58,5% af heildarútflutningi. Verðmæti útflutnings í fiskeldi jókst um 2,4 milljarða króna, eða um 75% samanborið við desember 2021, og var 5,5% af heildarútflutningi.
Verðmæti vöruútflutnings á árinu 2022 var 1.002,3 milljarðar króna og jókst um 240 milljarða króna miðað við árið 2021 eða um 31,5% á gengi hvors árs. Iðnaðarvörur voru 57% alls vöruútflutnings á árinu og jókst verðmæti þeirra um 43,9% samanborið við fyrra ár. Sjávarafurðir voru 35% alls vöruútflutnings en verðmæti þeirra jókst um 18% í samanburði við árið 2021.
Verðmæti vöruinnflutnings jókst um 33,3% á seinasta ári
Verðmæti vöruinnflutnings nam 114 milljörðum króna í desember 2022 samanborið við 94,2 milljarða í desember 2021 og jókst því um 19,8 milljarða króna eða um 21%. Verðmæti hrá- og rekstrarvöru nam 32,2 milljörðum króna og jókst um 1,4 milljarða (4,4%), verðmæti fjárfestingarvara (utan flutningstækja) nam 26,7 milljörðum króna sem er aukning um 7,2 milljarða króna (37,1%) og verðmæti innfluttra flutningstækja nam 20 milljörðum og jókst um 5,9 milljarða króna (41,7%) samanborið við desember 2021.
Verðmæti vöruinnflutnings á árinu 2022 var 1.325,3 milljarðar króna og jókst um 331 milljarð miðað við árið 2021 eða um 33,3% á gengi hvors árs fyrir sig. Aukningin var mest í eldsneyti, hrá- og rekstrarvörum og fjárfestingavörum.
Meðaltal gengisvísitölu1 á árinu 2022 var 190,2 og var gengið 3% sterkara en á árinu 2021 fyrr þegar meðaltal gengisvísitölu var 196,1. Gengið styrktist um 2,6% í desember (199,6) samanborið við desember 2021 (194,5).
Í þessari frétt er um að ræða bráðabirgðatölur fyrir desember og gætu niðurstöður breyst eftir endurskoðun í lok mánaðar. Þá hefur eldra talnaefni verið uppfært.
Meðferð leigusamninga er tengjast utanríkisverslun er til endurskoðunar og mun sú endurskoðun hafa áhrif á bæði vöruskipta- og þjónustujöfnuð.
1 Heimild: Seðlabanki Íslands - Gengisvísitala (Vísitala meðalgengis - viðskiptavog þröng).