Vöruviðskiptajöfnuður
Í janúar 2017 voru fluttar út vörur fyrir 37,6 milljarða króna og inn fyrir 46,2 milljarða króna fob (49,3 milljarða króna cif). Vöruviðskiptin í janúar, reiknuð á fob verðmæti, voru því óhagstæð um 8,6 milljarða króna. Í janúar 2016 voru vöruviðskiptin óhagstæð um 671 milljón króna á gengi hvors árs.¹ Vöruskiptajöfnuðurinn í janúar 2017 var því 7,9 milljörðum króna lakari en á sama tíma árið áður.
Útflutningur
Í janúar 2017 var verðmæti vöruútflutnings 8,3 milljörðum króna lægra, eða 18,1%, á gengi hvors árs,¹ en í janúar árið áður. Aðallega dróst útflutningur á sjávarafurðum saman vegna áhrifa af verkfalli sjómanna.
Innflutningur
Í janúar 2017 var verðmæti vöruinnflutnings 338 milljónum króna lægra, eða 0,7%, á gengi hvors árs,¹ en í janúar 2016. Innflutningur á neysluvörum dróst saman en á móti jókst innflutningur á flutningatækjum.
| Verðmæti útflutnings og innflutnings í janúar 2016 og 2017 | |||
| Millj. kr. á gengi hvors árs | Breytingar frá fyrra | ||
| Janúar | ári á gengi hvors árs, | ||
| 2016 | 2017 | % jan.–janúar | |
| Útflutningur alls fob | 45.864,4 | 37.554,2 | -18,1 |
| Sjávarafurðir | 20.389,5 | 13.719,4 | -32,7 |
| Landbúnaðarvörur | 1.373,9 | 1.580,6 | 15,0 |
| Iðnaðarvörur | 21.346,8 | 21.449,2 | 0,5 |
| Aðrar vörur | 2.754,1 | 804,9 | -70,8 |
| Innflutningur alls fob | 46.535,4 | 46.197,3 | -0,7 |
| Matvörur og drykkjarvörur | 3.787,1 | 3.684,8 | -2,7 |
| Hrávörur og rekstrarvörur, ót.a. | 12.588,0 | 12.183,2 | -3,2 |
| Eldsneyti og smurolíur | 4.021,3 | 4.338,3 | 7,9 |
| Fjárfest.vörur (þó ekki flutn.tæki) | 12.179,1 | 11.250,6 | -7,6 |
| Flutningatæki | 6.157,9 | 8.222,4 | 33,5 |
| Neysluvörur ót.a. | 7.716,4 | 6.486,0 | -15,9 |
| Vörur ót.a (t.d. endursendar vörur) | 85,5 | 32,0 | -62,5 |
| Vöruskiptajöfnuður | -671,0 | -8.643,1 | . |
¹Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.