Vöruviðskiptajöfnuður
Í ágúst voru fluttar út vörur fyrir 45,9 milljarða króna og inn fyrir 52 milljarða króna fob (55,5 milljarða króna cif). Vöruviðskiptin í ágúst, reiknuð á fob verðmæti, voru því óhagstæð um rúma 6 milljarða króna og er sá halli sá minnsti síðan afgangur var á mánaðarlegum vöruviðskiptum í október á síðasta ári. Í ágúst 2016 voru vöruviðskiptin óhagstæð um 12,9 milljarða króna á gengi hvors árs.¹
Janúar-ágúst 2017 voru fluttar út vörur fyrir 326,5 milljarða króna en inn fyrir 440,9 milljarða króna fob (470,1 milljarð króna cif). Því var halli á vöruviðskiptum við útlönd sem nam tæpum 114,5 milljörðum króna, reiknað á fob verðmæti. Á sama tíma árið áður voru vöruviðskiptin óhagstæð um 86,9 milljarða á gengi hvors árs.¹ Vöruviðskiptahallinn janúar-ágúst 2017 var því 27,6 milljörðum króna hærri en á sama tíma árið áður.
Útflutningur
Janúar-ágúst 2017 var verðmæti vöruútflutnings 32,9 milljörðum króna lægra, eða 9,2% á gengi hvors árs,1 en á sama tíma árið áður. Iðnaðarvörur voru 55,4% alls útflutnings og var verðmæti þeirra 0,2% hærra en á sama tíma árið áður. Útflutningur á lyfjum og lækningatækjum dróst saman en útflutningur á áli jókst. Sjávarafurðir voru 37,9% alls vöruútflutnings og var verðmæti þeirra 21% lægra en á sama tíma árið áður. Mestur samdráttur var í útflutningi á ferskum fiski og frystum flökum.
Innflutningur
Janúar-ágúst 2017 var verðmæti vöruinnflutnings 5,3 milljörðum króna lægra, eða 1,2% á gengi hvors árs,¹ en á sama tímabili árið áður. Innflutningur á hrá- og rekstrarvörum, skipum og fólksbílum jókst en á móti dróst innflutningur á flugvélum saman.
| Verðmæti útflutnings og innflutnings í janúar–ágúst 2016 og 2017 | |||||
| Millj. kr. á gengi hvors árs | Breytingar frá fyrra | ||||
| Ágúst | Jan.–ágúst | ári á gengi hvors árs, | |||
| 2016 | 2017 | 2016 | 2017 | % jan.–ágúst | |
| Útflutningur alls fob | 40.617,4 | 45.937,9 | 359.424,5 | 326.481,4 | -9,2 |
| Sjávarafurðir | 18.056,9 | 18.240,4 | 156.832,9 | 123.855,4 | -21,0 |
| Landbúnaðarvörur | 1.573,4 | 1.898,9 | 10.256,5 | 12.817,9 | 25,0 |
| Iðnaðarvörur | 19.316,4 | 25.093,8 | 180.494,7 | 180.904,9 | 0,2 |
| Aðrar vörur | 1.670,5 | 704,7 | 11.840,4 | 8.903,2 | -24,8 |
| Innflutningur alls fob | 53.547,7 | 51.955,1 | 446.285,0 | 440.941,2 | -1,2 |
| Matvörur og drykkjarvörur | 5.282,8 | 5.107,0 | 38.664,8 | 37.533,1 | -2,9 |
| Hrávörur og rekstrarvörur, ót.a. | 12.971,5 | 14.726,1 | 113.961,1 | 118.425,9 | 3,9 |
| Eldsneyti og smurolíur | 8.701,5 | 5.379,3 | 46.365,3 | 46.093,0 | -0,6 |
| Fjárfest.vörur (þó ekki flutn.tæki) | 12.284,8 | 10.685,3 | 97.193,4 | 94.810,3 | -2,5 |
| Flutningatæki | 6.857,8 | 8.075,8 | 91.227,7 | 87.907,1 | -3,6 |
| Neysluvörur ót.a. | 7.435,1 | 7.937,9 | 58.529,2 | 55.966,3 | -4,4 |
| Vörur ót.a (t.d. endursendar vörur) | 14,4 | 43,7 | 343,6 | 205,5 | -40,2 |
| Vöruskiptajöfnuður | -12.930,4 | -6.017,2 | -86.860,5 | -114.459,8 | . |
¹Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.