Vöruviðskiptajöfnuður
Í mars voru fluttar út vörur fyrir 39,5 milljarða króna og inn fyrir 55,6 milljarða króna fob (59,4 milljarða króna cif). Vöruviðskiptin í mars, reiknuð á fob verðmæti, voru því óhagstæð um 16,1 milljarð króna. Í mars 2016 voru vöruviðskiptin óhagstæð um 22,1 milljarð króna á gengi hvors árs.¹
Á fyrsta ársfjórðungi ársins 2017 voru fluttar út vörur fyrir 108,6 milljarða króna en inn fyrir 146,1 milljarð króna fob (156,0 milljarða króna cif). Halli var því á vöruviðskiptum við útlönd sem nam 37,5 milljörðum króna, reiknað á fob verðmæti. Á sama tíma árið áður voru vöruviðskiptin óhagstæð um 25,6 milljarða á gengi hvors árs.¹ Vöruviðskiptajöfnuðurinn var því 11,9 milljörðum króna lakari en á sama tíma árið áður.
Útflutningur
Á fyrsta ársfjórðungi ársins 2017 var verðmæti vöruútflutnings 23,9 milljörðum króna lægra, eða 18,1%, á gengi hvors árs,¹ en á sama tíma árið áður. Iðnaðarvörur voru 58,9% alls útflutnings og var verðmæti þeirra 3,2% lægra en á sama tíma árið áður. Sjávarafurðir voru 34,5% alls vöruútflutnings og var verðmæti þeirra 35,4% lægra en á sama tíma árið áður, vegna verðlækkunar. Auk þess má reikna með að áhrifa af verkfalli sjómanna gæti enn í tölunum.
Innflutningur
Á fyrsta ársfjórðungi ársins 2017 var verðmæti vöruinnflutnings 12,1 milljarði króna lægra, eða 7,6%, á gengi hvors árs,¹ en á sama tímabili árið áður. Aðallega dróst innflutningur á fjárfestingavörum, neysluvörum og flugvélum saman en á móti jókst innflutningur á eldsneyti og hrá- og rekstrarvörum.
| Verðmæti útflutnings og innflutnings í janúar–mars 2016 og 2017 | |||||
| Millj. kr. á gengi hvors árs | Breytingar frá fyrra | ||||
| Mars | Jan.–mars | ári á gengi hvors árs, | |||
| 2016 | 2017 | 2016 | 2017 | % jan.–mars | |
| Útflutningur alls fob | 44.201,8 | 39.533,1 | 132.576,0 | 108.644,3 | -18,1 |
| Sjávarafurðir | 19.360,0 | 15.534,6 | 58.011,0 | 37.467,6 | -35,4 |
| Landbúnaðarvörur | 1.210,9 | 1.337,0 | 4.135,0 | 4.762,9 | 15,2 |
| Iðnaðarvörur | 22.730,7 | 21.859,1 | 66.093,3 | 63.996,5 | -3,2 |
| Aðrar vörur | 900,3 | 802,4 | 4.336,7 | 2.417,3 | -44,3 |
| Innflutningur alls fob | 66.311,0 | 55.639,6 | 158.215,4 | 146.112,0 | -7,6 |
| Matvörur og drykkjarvörur | 5.093,2 | 4.311,0 | 13.240,6 | 11.840,0 | -10,6 |
| Hrávörur og rekstrarvörur, ót.a. | 15.078,5 | 16.706,7 | 39.597,4 | 41.419,5 | 4,6 |
| Eldsneyti og smurolíur | 4.130,9 | 6.535,5 | 11.781,0 | 14.101,3 | 19,7 |
| Fjárfest.vörur (þó ekki flutn.tæki) | 13.092,9 | 11.920,7 | 36.723,3 | 33.688,2 | -8,3 |
| Flutningatæki | 20.854,4 | 8.927,5 | 34.570,8 | 25.196,5 | -27,1 |
| Neysluvörur ót.a. | 8.034,2 | 7.224,0 | 22.175,6 | 19.788,1 | -10,8 |
| Vörur ót.a (t.d. endursendar vörur) | 26,9 | 14,3 | 126,8 | 78,4 | -38,2 |
| Vöruskiptajöfnuður | -22.109,2 | -16.106,5 | -25.639,4 | -37.467,6 | . |
¹Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.