Vöruviðskiptajöfnuður
Í janúar 2018 voru fluttar út vörur fyrir 48,4 milljarða króna og inn fyrir 54,1 milljarð króna fob (57,6 milljarða króna cif). Vöruviðskiptin í janúar, reiknuð á fob verðmæti, voru því óhagstæð um 5,7 milljarða króna. Í janúar 2017 voru vöruviðskiptin óhagstæð um 8,6 milljarða króna á gengi hvors árs.¹ Vöruviðskiptahallinn í janúar 2018 var því 2,9 milljörðum króna lægri en á sama tíma árið áður. Án skipa og flugvéla nam vöruviðskiptahallinn í mánuðinum 2,7 milljörðum króna samanborið við 6,4 milljarða króna í janúar 2017.
Útflutningur
Í janúar 2018 var verðmæti vöruútflutnings 10,8 milljörðum króna hærri en í janúar árið áður, eða 28,8% á gengi hvors árs¹. Aukninguna má aðallega rekja til aukins útflutnings á iðnaðarvörum og sjávarafurðum.
Innflutningur
Í janúar 2018 var verðmæti vöruinnflutnings 7,9 milljörðum króna hærri en í janúar árið áður, eða 17,1% á gengi hvors árs¹. Innflutningur jókst mest á eldsneyti og smurolíu og fjárfestingavörum (þó ekki flutningstækjum).
| Verðmæti útflutnings og innflutnings í janúar 2017 og 2018 | |||
| Millj. kr. á gengi hvors árs | Breytingar frá fyrra | ||
| Janúar | ári á gengi hvors árs, | ||
| 2017 | 2018 | % jan.– nóv. | |
| Útflutningur alls fob | 37.562,4 | 48.397,6 | 28,8% |
| Sjávarafurðir | 13.719,4 | 17.875,7 | 30,3% |
| Landbúnaðarvörur | 1.580,6 | 2.277,9 | 44,1% |
| Iðnaðarvörur | 21.449,2 | 26.907,4 | 25,4% |
| Aðrar vörur | 813,2 | 1.336,5 | 64,4% |
| Innflutningur alls fob | 46.184,7 | 54.099,9 | 17,1% |
| Matvörur og drykkjarvörur | 3.679,0 | 4.032,6 | 9,6% |
| Hrávörur og rekstrarvörur, ót.a. | 12.181,1 | 12.020,8 | -1,3% |
| Eldsneyti og smurolíur | 4.338,3 | 7.870,6 | 81,4% |
| Fjárfest.vörur (þó ekki flutn.tæki) | 11.249,0 | 14.322,5 | 27,3% |
| Flutningatæki | 8.221,0 | 9.000,7 | 9,5% |
| Neysluvörur ót.a. | 6.484,3 | 6.793,9 | 4,8% |
| Vörur ót.a (t.d. endursendar vörur) | 32,0 | 58,9 | 83,8% |
| Vöruskiptajöfnuður | -8.622,2 | -5.702,3 | . |
¹Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.
Nánari upplýsingar
Nánari upplýsingar eru veittar í síma 528 1100 , netfang upplysingar@hagstofa.isDeila
Öllum eru heimil afnot af fréttatilkynningunni. Vinsamlegast getið heimildar.