Vöruviðskiptajöfnuður
Í apríl 2019 voru fluttar út vörur fyrir 50,2 milljarða króna og inn fyrir 65,4 milljarða króna fob (70,0 milljarða króna cif). Vöruviðskiptin í apríl, reiknuð á fob verðmæti, voru því óhagstæð um 15,1 milljarð króna. Í apríl 2018 voru vöruviðskiptin óhagstæð um 15,6 milljarða króna á gengi hvors árs.¹ Vöruviðskiptahallinn í apríl 2019 var því rúmum 462 milljónum króna lægri en á sama tíma fyrir ári. Án skipa og flugvéla nam vöruviðskiptahallinn í mánuðinum tæpum 15,0 milljörðum króna, samanborið við 10,8 milljörðum króna í apríl 2018.
Á tímabilinu janúar til apríl 2019 voru fluttar út vörur fyrir 224,2 milljarða króna en inn fyrir 239,4 milljarða (256,3 milljarða króna cif). Halli á vöruskiptum við útlönd nam því 15,2 milljörðum króna reiknað á fob verðmæti. Á sama tíma fyrir ári voru vöruviðskiptin óhagstæð um 45,9 milljarða á gengi hvors árs. Vöruviðskiptajöfnuðurinn frá janúar til apríl var því 30,6 milljörðum króna hagstæðari en á sama tíma fyrir ári síðan. Án skipa og flugvéla nam vöruviðskiptahallinn hins vegar 36,8 milljörðum króna á tímabilinu janúar til apríl 2019 og 33,7 milljörðum króna fyrir sama tímabil 2018.
Útflutningur
Á fyrstu fjórum mánuðum ársins 2019 var verðmæti vöruútflutnings 39,9 milljörðum króna hærra en á sama tímabili árið áður, eða 21,7% á gengi hvors árs1. Iðnaðarvörur voru 45,7% alls útflutnings og var verðmæti þeirra 2,2% hærra en á sama tíma árið áður. Sjávarafurðir voru 37,6% alls vöruútflutnings og var verðmæti þeirra 16,9% hærra en á sama tíma árið áður. Verðmæti útflutnings skipa og flugvéla var tæpir 22,6 milljarðar króna á fyrstu fjórum mánuðum ársins.
Innflutningur
Á fyrstu fjórum mánuðum ársins 2019 var verðmæti vöruinnflutnings 9,3 milljörðum króna hærra en á sama tímabili árið áður, eða 4,0% á gengi hvors árs¹. Innflutningur jókst mest á unnum hrá- og rekstrarvörum og fjárfestingavörum. Á móti kom minni innflutningur á flutningatækjum.
| Verðmæti útflutnings og innflutnings janúar - apríl 2018 og 2019 | |||||
| Breytingar frá fyrra | |||||
| Apríl | Janúar-apríl | ||||
| 2018 | 2019 | 2018 | 2019 | ||
| Útflutningur alls fob | 46.593,8 | 50.246,9 | 184.282,3 | 224.203,3 | 21,7 |
| Sjávarafurðir | 17.739,3 | 21.381,4 | 72.184,1 | 84.389,8 | 16,9 |
| Landbúnaðarvörur | 1.104,2 | 2.521,0 | 7.051,0 | 10.368,9 | 47,1 |
| Iðnaðarvörur | 26.814,4 | 25.294,6 | 100.275,5 | 102.477,8 | 2,2 |
| Aðrar vörur | 935,9 | 1.050,0 | 4.771,7 | 26.966,8 | 465,1 |
| Innflutningur alls fob | 62.194,4 | 65.385,3 | 230.153,4 | 239.425,3 | 4,0 |
| Matvörur og drykkjarvörur | 5.628,0 | 6.631,6 | 19.088,5 | 22.478,7 | 17,8 |
| Hrávörur og rekstrarvörur, ót.a. | 15.343,2 | 24.092,7 | 62.237,1 | 75.701,9 | 21,6 |
| Eldsneyti og smurolíur | 7.044,1 | 7.099,2 | 28.036,9 | 25.740,9 | -8,2 |
| Fjárfest.vörur (þó ekki flutn.tæki) | 13.737,4 | 12.618,4 | 51.411,4 | 57.894,4 | 12,6 |
| Flutningatæki | 12.944,7 | 7.066,5 | 40.188,4 | 24.859,5 | -38,1 |
| Neysluvörur ót.a. | 7.479,4 | 7.860,8 | 28.915,9 | 32.649,1 | 12,9 |
| Vörur ót.a (t.d. endursendar vörur) | 17,5 | 16,2 | 275,2 | 100,9 | -63,3 |
| Vöruviðskiptajöfnuður | -15600,6 | -15138,4 | -45871,1 | -15222,0 | -66,82 |
1 Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum. Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.
Nánari upplýsingar
Nánari upplýsingar eru veittar í síma 528 1100 , netfang upplysingar@hagstofa.isDeila
Öllum eru heimil afnot af fréttatilkynningunni. Vinsamlegast getið heimildar.